Рӯзи 23 апрел Иттиҳодияи футболи Аврупо рӯйхати доваронеро, ки дар бозиҳои Чемпионати Аврупо-2024 доварӣ мекунанд, нашр кард. Дар мусобиқа ду доварӣ аз Фаронса, Англия, Италия ва Олмон, боқимонда як доварӣ аз кишварҳои Португалия, Испания, Руминия, Словакия, Нидерландия, Полша, Туркия, Шветсия, Швейтсария ва Словения номнавис гардидаанд, ки дар рӯйхат ягон ҳаками Русия нест.

Максим Митрофанов, дабири кулли РФФ қайд кард, ки УЕФА кори доварони русро дар бозиҳои байналмилалӣ манъ накардааст, аммо аз вазъиятҳои эҳтимолии низоъ бо баъзе дастаҳои миллии аврупо, ки намехоҳанд доварони рус бозиашонро қазоват кунанд аз эҳтиёт кор гирифта, доварони русро ба Евро-2024 номнавис накардаанд.

Бояд қайд кард, ки ҳама бошгоҳҳо ва дастаҳои миллии футболи Русия бо қарори ФИФА ва УЕФА аз соли 2022 аз ширкат дар мусобиқоти байналмилалӣ маҳрум шудаанд ва ҳаққи иштирок дар ягон мусобиқаро надоранд.

Ёдовар мешавем, ки Чемпионати Аврупо аз 14 июн то 14 июли соли 2024 дар Олмон баргузор мешавад.

Яҳё МАҲМАДНАБИЕВ, “ҶТ”