ВАРЗИШ
Шанбе 06 Июн 2026 06:53
Қаҳрамони Бозиҳои тобистонаи олимпии Рео-де-Жанерои Бразилия-2016 аз намуди гурзандозӣ Дилшод Назаров, дар мусобиқаи қаҳрамонии Осиё, ки дар шаҳри Бҳубанешвари Ҳиндустон баргузор гардид, мақоми аввалро касб намуда, бори чорум қаҳрамони Осиё гардид.
Дар мусобиқаи мазкур аз намуди гурзандозӣ 11 варзишгар аз 10 давлати Осиё (Ҷопон (ду кас), Бангладеш, Кореяи Ҷанубӣ, Қатар, Индонезия, Малайзия, Тоҷикистон, Ҳиндустон, Чин ва Эрон) миёни ҳам рақобат намуданд.
Аз миёни онҳо Дилшод Назаров, гурзандози машҳури тоҷик бо натиҷаи 76 метру 69 сантиметр мақоми аввалро касб карда, медали тиллоро ба гардан овехт. Мақоми дуюм бо натиҷаи 73 метру 81 сантиметр насиби Шизу Ванг варзишгар аз давлати Чин гардид. Зинаи сеюмро бошад, бо нишондоди 73,метру 77 сантиметр Ювунчул Ли аз Кореяи Ҷанубӣ соҳиб шуд.
Дилшод Назаров аз ин пеш аз мусобиқоти Осиё солҳои 2009, 2013, 2015 низ ба унвони қаҳрамони Осиё мушарраф гардидааст.
Дар мусобиқаи XXII қаҳрамонии Осиё оид ба варзиши сабук, ки дар шаҳри Бҳубанешвари Ҳиндустон аз 6 то 9 июл баргузор гардид Тоҷикистонро дар баробари Дилшод Назаров аз намуди давидан Даврон Атабоев (давидан ба масофаҳои 100 ва 400 метр), Кристина Пронженко (давидан ба масофаҳои 400 метр ва 400 метр бо монеа), Одилшо Исматов (давидан ба масофаи 800 метр), Алишер Пӯлодов, Азизҷон Абдуллоев (давидан ба масофаи 400 метр бо монеа) ва Григорий Дерепаскин (давидан ба масофаҳои 200 ва 400 метр) муаррифӣ намуданд, ки аз миёни онҳо натиҷаи нишондодаи Кристина Пронженко дар давидан ба масофаи 400 метр миёни занон бо 54,62 сония қобили қайд аст. Ӯ бо ин натиҷа дар даври ниҳоӣ мақоми шашумро касб намудааст.
Дар мусобиқаи қаҳрамонии Осиё дар Бҳубанешвари Ҳиндустон варзишгарони 45 кишвар ширкат карданд. Дар ҳисоби умумидаставӣ мунтахаби Ҳиндустон бо 6 медали тилло, 3 нуқра ва 6 биринҷӣ дар ҷойи аввал, Чин (4-4-3) мақоми дуюм ва Эрон (3 тилло ва 2 нуқра) зинаи сеюумро касб намуданд. Тоҷикистон бо як медали тилло ҳамроҳи Қирғизистон, Тайланд ва Узбакистон мақоми шашумро касб кардааст.
Ёдовар мешавем, ки чанде пеш Ассотсиатсияи варзиши сабуки Осиё Дилшод Назаровро беҳтарин варзишгари осиё эълон намуд.
Шодихони НАЗАР, “ҶТ”
Дар мусобиқаи мазкур аз намуди гурзандозӣ 11 варзишгар аз 10 давлати Осиё (Ҷопон (ду кас), Бангладеш, Кореяи Ҷанубӣ, Қатар, Индонезия, Малайзия, Тоҷикистон, Ҳиндустон, Чин ва Эрон) миёни ҳам рақобат намуданд.
Аз миёни онҳо Дилшод Назаров, гурзандози машҳури тоҷик бо натиҷаи 76 метру 69 сантиметр мақоми аввалро касб карда, медали тиллоро ба гардан овехт. Мақоми дуюм бо натиҷаи 73 метру 81 сантиметр насиби Шизу Ванг варзишгар аз давлати Чин гардид. Зинаи сеюмро бошад, бо нишондоди 73,метру 77 сантиметр Ювунчул Ли аз Кореяи Ҷанубӣ соҳиб шуд.
Дилшод Назаров аз ин пеш аз мусобиқоти Осиё солҳои 2009, 2013, 2015 низ ба унвони қаҳрамони Осиё мушарраф гардидааст.
Дар мусобиқаи XXII қаҳрамонии Осиё оид ба варзиши сабук, ки дар шаҳри Бҳубанешвари Ҳиндустон аз 6 то 9 июл баргузор гардид Тоҷикистонро дар баробари Дилшод Назаров аз намуди давидан Даврон Атабоев (давидан ба масофаҳои 100 ва 400 метр), Кристина Пронженко (давидан ба масофаҳои 400 метр ва 400 метр бо монеа), Одилшо Исматов (давидан ба масофаи 800 метр), Алишер Пӯлодов, Азизҷон Абдуллоев (давидан ба масофаи 400 метр бо монеа) ва Григорий Дерепаскин (давидан ба масофаҳои 200 ва 400 метр) муаррифӣ намуданд, ки аз миёни онҳо натиҷаи нишондодаи Кристина Пронженко дар давидан ба масофаи 400 метр миёни занон бо 54,62 сония қобили қайд аст. Ӯ бо ин натиҷа дар даври ниҳоӣ мақоми шашумро касб намудааст.
Дар мусобиқаи қаҳрамонии Осиё дар Бҳубанешвари Ҳиндустон варзишгарони 45 кишвар ширкат карданд. Дар ҳисоби умумидаставӣ мунтахаби Ҳиндустон бо 6 медали тилло, 3 нуқра ва 6 биринҷӣ дар ҷойи аввал, Чин (4-4-3) мақоми дуюм ва Эрон (3 тилло ва 2 нуқра) зинаи сеюумро касб намуданд. Тоҷикистон бо як медали тилло ҳамроҳи Қирғизистон, Тайланд ва Узбакистон мақоми шашумро касб кардааст.
Ёдовар мешавем, ки чанде пеш Ассотсиатсияи варзиши сабуки Осиё Дилшод Назаровро беҳтарин варзишгари осиё эълон намуд.
Шодихони НАЗАР, “ҶТ”
Хабарҳои дигар
Рӯзнома
Эзоҳи худро нависед