ВАРЗИШ
Ҷумъа 05 Июн 2026 11:33
Дастаи “Челси”-и Лондон шояд дигар дар хобу рӯъёи хеш ҳам ҳамлаваре ҳамсони Диде Дрогбаро пайдо накунад. Ӯ дар таърихи бошгоҳ ҳангомаофаре буд, ки каси дигар ба ӯ ки чи, ҳатто ҳанги ба пояш расиданро надорад. Мавсуф шахсияте буд, ки бо мавқеи иҷтимоии хеш ҳатто ҷанги шаҳрвандиро дар кишвараш барҳам зад. Диде Дрогба нафарест, як мақоми баҳснопазир бо тарҷумаи ҳоли душвор, шахсе, ки на танҳо бо бозии дурахшони худ дар майдон, балки бо мавқеи иҷтимоии худ низ як сару гардан аз ҳамтоёнаш бартару болотар буд.
САҲМИ АМАКИ МИШЕЛ
Диде Дрогба Тебили рӯзи мавлуди хешро 11 март ҷашн мегирад. Ӯ дар оилаи кормандони бонк дар Кот –д Ивуар таваллуд шудааст. Дар панҷсолагӣ назди амакаш ба Фаронса рафт, ки он замон ҳамчун бозингари дастаҳои футболи машҳури маҳаллӣ ном бароварда буд. Мақоли “қадри зар заргар бидонад” беҳудаву холӣ аз ҳикмат нест, чун ҳамон амаки саррофу заршиносаш буд, ки Дрогбаи ҳамсони зари зери гилро машҳури гетӣ гардонид.
Ҳамлагар дар бораи амакаш, ки вақти зиёди хешро барои сайқали истеъдоди ҷавон бахшидааст, бо некӣ ёд меораду умре худро назди амаки нукукораш қарздор медонад. Диде ҳеҷ гоҳ фаромӯш намекунад, ки дар ҳама дастовардҳояш саҳми амаки Мишел асту бас.
ТАРКИ МАРЗУ БУМИ БОБОӢ
Пас аз се соли дар Париж будану ҳунари футбол омӯхтан, писарак оилаашро пазмон шуд ва ба зодгоҳаш баргашт. Бо вуҷуди ин, дере нагузашта дар Кот –д Ивуар бӯҳрони иқтисодӣ сар зад, волидон ҷойи корашонро дар бонк аз даст доданд ва оиларо рӯзгори сангине саромад. Ва онҳо маҷбур шуданд, баробари садҳо тани дигар, бо сад ормону омол марзу буми бобоиро тарк кунанду рахти сафар ба Фаронса банданд.
Соли 1993 оила дар як канори Париж зиндагӣ ихтиёр кард ва он замон Дрогба дар дастаи ҷавонони маҳаллӣ бозӣ мекард. Дере нагузашта волидон дарёфтанд, ки варзиш писари онҳоро аз мактаб марҳила ба марҳила дур мекунад ва аз синфи дувум наметавонист ба зинаи баъдии мактаб гузарад. Волидон хостанд ӯро дигарбора ба илмомӯзӣ баргардонанд, аммо қарори ҷавон дигар буд. Ӯро футбол чун оҳанрабо ҳар замон ба худ мекашид ва ба ҳамин тарз ҷавон ба дастаи ҷавонони “Левалло”-и Фаронса пайваста, бо маслиҳати амаки Мишел мавқеи нимҳимоятгарро ба ҳамлагар иваз кард.
Тағйири мавқеъ ба фаъолияти Дрогба кор дод, чун ӯ дар ҳар бозӣ сеҳргари ҳақиқиро мемонд ва дарвозабони рақиб аз берун кашидани тӯб аз дохили дарвозааш арақ бар ҷабин мешуд. Пас аз чунин ҳунарнамоиҳои фавқулода табиист, ки дастаҳо барои ба даст овардани чунин як дурдона дастбагиребон мешуданд.
ОҒОЗИ НОБАРОР ДАР ФУТБОЛИ БУЗУРГ
Ҷавон пас аз хатми мактаби миёна ба шаҳри Ле Мани Фаронса кӯчид ва дар он ҷо ба коллеҷи маҳаллӣ дохил шуда, ба омӯхтани касби муҳосибӣ оғоз кард. Баробари таҳсил Дрогба ба сифати ҳамлагар дар дастаи ҷавонони “Ле Ман” ба фаъолият пардохт. Омӯзиш ва тамрини бардавом барои футболбоз душвор буд ва барои одат кардан ба чунин меъёр барои Дрогба вақти зиёд лозим буд. Дар ин росто ҷароҳатҳои сершумор ба кори варзишгар халал мерасониданд ва ӯ танҳо дар ду мавсими аввал 4 маротиба пойи худро шикаст.
БОШГОҲИ “ЛЕ МАН”
Бо гузораи фурсати муайян варзишгари ҷавон фаҳмид, ки вақти он расидааст, то футболи бачагонаро ба футболи касбӣ иваз намояд. Бо чунин марому мақсад котдиувари дар ҳайати асосии “Ле Ман” аввалин маротиба баромад карда, соли 1999 бори нахуст шарт-номаи худро бо даста ба имзо расонид. Аз мавсими аввал Дрогбаи болобаланду боҳашамат, ки қадаш ба 189 сантиметр ва вазнаш ба 91 кг мерасид, дар 30 бозӣ ба дарвозаи рақибон 7 тӯб ворид намуд, ки ин натиҷаи хуб арзёбӣ мегашт.
Соли 2002 Дрогба ба дастаи дигари Фаронса – “Генгам” гузашт. Ҳамлагар пас аз пайвастан ба дас-таи ҷадид ба ҳайат кумак кард, ки дар Лигаи 1 ҷойи 7-умро ишғол кунад ва дар рӯйхати голзанон дар мақоми сеюм қарор гирифт.
ОЛИМПИКИ МАРСЕЛ
Натиҷаҳои дурахшон аз назари агентҳои дастаҳои пешсафи кишвар дар канор намонданд. Соли 2003 футболбоз ба “Олимпики Марсел” гузашт, ки дар он танҳо як мавсим фаъолият намуду тамом, аммо он як мавсим ҳам холӣ аз дастоварду муваффақияти назаррас набуд. Танҳо дар як соли фаъолият варзишгар беҳтарин бозингари Фаронса дониста шуд ва сазовори муқоиса бо Жан-Пер Папин гардид.
“ЧЕЛСИ”-Е, КИ ДРОГБАРО МАШҲУРИ ҶАҲОН КАРД
Соли 2004 дар корномаи Дрогба тағйироти ҷиддӣ ба амал омад, чун ӯро абардастаи “Челси”-и Лондон харидорӣ намуд ва маблағи интиқол 38 миллион евроро ташкил медод. Ба гуфтаи ҳамлагар, агар маош ва шартномае, ки барои фаъолияти касбиаш фоидаовар набошад, пас бо амри дил ӯ дар "Марсел" мемонд. Аммо пешниҳоди ҳангуфти “Челси”-ро рад кардан дур аз мантиқу тасаввур буд.
Пайвастан ба “Челси” барои бозингар шуҳрати ҷаҳонӣ овард. Ва то ин давру даврон бошгоҳ ҳамсони ӯро пайдо карда наметавонад. Соли 2012 Котдивуари голи 100-уми худро дар ҳайати “Челси” ба самар расонид, ки ҳеҷ як футболбози дигари африқоӣ пеш аз ӯ ба чунин натиҷа дар бошгоҳҳои аврупоӣ ноил нагардида буд. Инчунин, соли 2012 Диде Дрогба ба ҳайати хеш дар Ҷоми Лигаи Чемпионҳои УЕФА кумак карда, дар финал "Бавария" -ро мағлуб кард.
Пас аз пирӯзӣ дар бораи гузариши ҳамлагар ба “Барселона” овозаҳо паҳн шуданд. Дар омади гап, вохӯриҳои қаблӣ бо “Барса” дар соли 2009 барои лондониҳо хеле ҳассос сипарӣ шуд. Чун дар он вохӯрӣ Дрогба бо довар пас аз таъини ноодилонаи зарбаи 11-мет-ра бархурди лафзӣ намуда, қариб буд бо занозанӣ анҷом ёбад. Бояд гуфт, ки дидори дастаҳо дар финал сурат мегирифт ва бо ғолибияти “Барса” анҷом ёфта, Дрогбаву ҳамдастагонашро бе ҷом ба хона гуселонид.
САРСОНӢ ДАР ФУТБОЛ
Ҳамлагар овозаҳоро барҳам дод ва расман изҳор дошт, ки гуфтушунид бо “Барселона” гузаронида нашудааст, аммо футболбоз пас аз анҷоми шартнома дар соли 2012 ба бошгоҳи чинии "Шанхай Шенхуа" ва пас аз як мавсим ба дастаи “Галатасарай”-и Туркия гузариш намуда, дар он ҷо ҳам як мавсим боқӣ монду тамом.
Соли 2014 ёду хаёли дастаи дӯстдошта ӯро дигарбора ба “Челси” овард. Соли 2015 варзишгар ба Канада кӯчида, узви дастаи “Монреал Импакт” шуд. Бозингари беҳамто дар Канада ҳам як мавсим ҳунарнамоӣ карда, соли 2017 ба дастаи “Финикс Райзинги Амрико” гузашт ва то охири корнома, яъне то соли 2018, дар ин даста ҳунарнамоӣ кард.
ТИМИ МУНТАХАБ
Илова ба фаъолият дар бошгоҳҳои бонуфузи сайёра футболбоз аз соли 2002 то соли 2014 аъзои тими мунтахаби Кот-д Ивуар буд. Дрогба бо тими мунтахаби хеш дар мавсимҳои 2006 ва 2012 ба гирифтани медалҳои нуқраи ҷоми миллатҳои Африқо ноил гардид.
МАВҚЕИ ИҶТИМОӢ
Соли 2005 дар кишвари варзишгар Кот-д Ивуар ҷанги шаҳрвандӣ сар шуд. Он замон Дрогба дар Фаронса ба сар мебурд, аммо нисбат ба ҳодисаҳои кишвараш бетараф шуда наметавонист. Соли 2006 ӯ дар як паёми видеоӣ ба зону зада, аз шӯришчиён хоҳиш кард, ки силоҳҳои худро гузошта, ҷанги шаҳрвандиро хотима диҳанд. Кӯшишҳои ҳамлагар бомуваффақият анҷом ёфт, паёмаш таъсиргузор шуд ва иштироки минбаъдаи Дрогба дар ин раванд бо созишномаи байни тарафҳо дар соли 2007 бо имзои ризоияти сулҳ хотима ёфт.
ҲАЁТИ ШАХСӢ
Дрогба солҳои 90-ум дар пойтахти Фаронса бо ҳамсараш Лалла, ки аслаш аз Мали аст, шинос шуд. Он замон футболбоз дар ҳайати ҷавонони “Ле Ман” фаъолият мекард. Оилаи духтар ҳам аз олами футбол ба хубӣ бархурдор буд, зеро падари Лалла солҳои 70-ум дар майдонҳои футболи кишвараш дурахши намоён дошт.
Ба гуфтаи Диде Дрогба ҳамсараш ӯро дастгирӣ мекард, вақте ки ӯ дар бораи тағйири касб фикр мекард, танҳо ҳамсараш ҳамрозу ҳамақидааш буд.
Лалларо ҳамагон чун рассоми моҳир мешиносанд. Расмҳои ӯ дар Мали, Сенегал, Кот –д Ивуар, Фаронса ва Англия ба намоиш гузошта шуда, шуҳрати беандоза низ доранд.
Дрогба се фарзанд дорад - ду писар ва як духтар. Писари калонӣ, ки нақша дошт аз паи падар биравад, аввалин қадамҳои худро дар Академияи футболи “Челси” гузошт ва пасон ба тими ҷавонони даста пайваст.
Ҳамсарон муносибатҳои худ-ро танҳо соли 2011 дар Монако қонунӣ карданд. Навхонадорон як маросимро бо оила ва дӯстони наздик афзал донистанд. Харҷи тӯйро молики онвақтаи “Челси” Роман Абрамович ба уҳда гирифта худ низ иштирокчии бевоситаи маросим буд.
Ин оила ба корҳои хайру саховат машғул аст ва фонди хайриявии футболбоз бо номи “Дрогба” ба соҳаи тиб ва таҳсил сармоягузорӣ намуда, дар ватани футболбоз чандин мактабу беморхонаҳоро бунёд кардааст.
Барои иштироки фаъол ва ҳалли низоъ дар Котдивуар соли 2007 ба футболбоз унвони “Барномаи рушди СММ” дода шуд.
ХУЛОСА
Бояд иқрор шуд, ки Дрогба як мақоми эътирофшуда дар ҷаҳони футбол боқӣ мемонад. Ӯ ҳамчун футболбози моҳир ва инсони хайрхоҳу накукор то даме, ки набзи ҷомеа метапад, дар ёду хаёли дӯстдорони варзиш боқӣ хоҳад монд.
Яҳё МАҲМАДНАБИЕВ, “ҶТ”
САҲМИ АМАКИ МИШЕЛ
Диде Дрогба Тебили рӯзи мавлуди хешро 11 март ҷашн мегирад. Ӯ дар оилаи кормандони бонк дар Кот –д Ивуар таваллуд шудааст. Дар панҷсолагӣ назди амакаш ба Фаронса рафт, ки он замон ҳамчун бозингари дастаҳои футболи машҳури маҳаллӣ ном бароварда буд. Мақоли “қадри зар заргар бидонад” беҳудаву холӣ аз ҳикмат нест, чун ҳамон амаки саррофу заршиносаш буд, ки Дрогбаи ҳамсони зари зери гилро машҳури гетӣ гардонид.
Ҳамлагар дар бораи амакаш, ки вақти зиёди хешро барои сайқали истеъдоди ҷавон бахшидааст, бо некӣ ёд меораду умре худро назди амаки нукукораш қарздор медонад. Диде ҳеҷ гоҳ фаромӯш намекунад, ки дар ҳама дастовардҳояш саҳми амаки Мишел асту бас.
ТАРКИ МАРЗУ БУМИ БОБОӢ
Пас аз се соли дар Париж будану ҳунари футбол омӯхтан, писарак оилаашро пазмон шуд ва ба зодгоҳаш баргашт. Бо вуҷуди ин, дере нагузашта дар Кот –д Ивуар бӯҳрони иқтисодӣ сар зад, волидон ҷойи корашонро дар бонк аз даст доданд ва оиларо рӯзгори сангине саромад. Ва онҳо маҷбур шуданд, баробари садҳо тани дигар, бо сад ормону омол марзу буми бобоиро тарк кунанду рахти сафар ба Фаронса банданд.
Соли 1993 оила дар як канори Париж зиндагӣ ихтиёр кард ва он замон Дрогба дар дастаи ҷавонони маҳаллӣ бозӣ мекард. Дере нагузашта волидон дарёфтанд, ки варзиш писари онҳоро аз мактаб марҳила ба марҳила дур мекунад ва аз синфи дувум наметавонист ба зинаи баъдии мактаб гузарад. Волидон хостанд ӯро дигарбора ба илмомӯзӣ баргардонанд, аммо қарори ҷавон дигар буд. Ӯро футбол чун оҳанрабо ҳар замон ба худ мекашид ва ба ҳамин тарз ҷавон ба дастаи ҷавонони “Левалло”-и Фаронса пайваста, бо маслиҳати амаки Мишел мавқеи нимҳимоятгарро ба ҳамлагар иваз кард.
Тағйири мавқеъ ба фаъолияти Дрогба кор дод, чун ӯ дар ҳар бозӣ сеҳргари ҳақиқиро мемонд ва дарвозабони рақиб аз берун кашидани тӯб аз дохили дарвозааш арақ бар ҷабин мешуд. Пас аз чунин ҳунарнамоиҳои фавқулода табиист, ки дастаҳо барои ба даст овардани чунин як дурдона дастбагиребон мешуданд.
ОҒОЗИ НОБАРОР ДАР ФУТБОЛИ БУЗУРГ
Ҷавон пас аз хатми мактаби миёна ба шаҳри Ле Мани Фаронса кӯчид ва дар он ҷо ба коллеҷи маҳаллӣ дохил шуда, ба омӯхтани касби муҳосибӣ оғоз кард. Баробари таҳсил Дрогба ба сифати ҳамлагар дар дастаи ҷавонони “Ле Ман” ба фаъолият пардохт. Омӯзиш ва тамрини бардавом барои футболбоз душвор буд ва барои одат кардан ба чунин меъёр барои Дрогба вақти зиёд лозим буд. Дар ин росто ҷароҳатҳои сершумор ба кори варзишгар халал мерасониданд ва ӯ танҳо дар ду мавсими аввал 4 маротиба пойи худро шикаст.
БОШГОҲИ “ЛЕ МАН”
Бо гузораи фурсати муайян варзишгари ҷавон фаҳмид, ки вақти он расидааст, то футболи бачагонаро ба футболи касбӣ иваз намояд. Бо чунин марому мақсад котдиувари дар ҳайати асосии “Ле Ман” аввалин маротиба баромад карда, соли 1999 бори нахуст шарт-номаи худро бо даста ба имзо расонид. Аз мавсими аввал Дрогбаи болобаланду боҳашамат, ки қадаш ба 189 сантиметр ва вазнаш ба 91 кг мерасид, дар 30 бозӣ ба дарвозаи рақибон 7 тӯб ворид намуд, ки ин натиҷаи хуб арзёбӣ мегашт.
Соли 2002 Дрогба ба дастаи дигари Фаронса – “Генгам” гузашт. Ҳамлагар пас аз пайвастан ба дас-таи ҷадид ба ҳайат кумак кард, ки дар Лигаи 1 ҷойи 7-умро ишғол кунад ва дар рӯйхати голзанон дар мақоми сеюм қарор гирифт.
ОЛИМПИКИ МАРСЕЛ
Натиҷаҳои дурахшон аз назари агентҳои дастаҳои пешсафи кишвар дар канор намонданд. Соли 2003 футболбоз ба “Олимпики Марсел” гузашт, ки дар он танҳо як мавсим фаъолият намуду тамом, аммо он як мавсим ҳам холӣ аз дастоварду муваффақияти назаррас набуд. Танҳо дар як соли фаъолият варзишгар беҳтарин бозингари Фаронса дониста шуд ва сазовори муқоиса бо Жан-Пер Папин гардид.
“ЧЕЛСИ”-Е, КИ ДРОГБАРО МАШҲУРИ ҶАҲОН КАРД
Соли 2004 дар корномаи Дрогба тағйироти ҷиддӣ ба амал омад, чун ӯро абардастаи “Челси”-и Лондон харидорӣ намуд ва маблағи интиқол 38 миллион евроро ташкил медод. Ба гуфтаи ҳамлагар, агар маош ва шартномае, ки барои фаъолияти касбиаш фоидаовар набошад, пас бо амри дил ӯ дар "Марсел" мемонд. Аммо пешниҳоди ҳангуфти “Челси”-ро рад кардан дур аз мантиқу тасаввур буд.
Пайвастан ба “Челси” барои бозингар шуҳрати ҷаҳонӣ овард. Ва то ин давру даврон бошгоҳ ҳамсони ӯро пайдо карда наметавонад. Соли 2012 Котдивуари голи 100-уми худро дар ҳайати “Челси” ба самар расонид, ки ҳеҷ як футболбози дигари африқоӣ пеш аз ӯ ба чунин натиҷа дар бошгоҳҳои аврупоӣ ноил нагардида буд. Инчунин, соли 2012 Диде Дрогба ба ҳайати хеш дар Ҷоми Лигаи Чемпионҳои УЕФА кумак карда, дар финал "Бавария" -ро мағлуб кард.
Пас аз пирӯзӣ дар бораи гузариши ҳамлагар ба “Барселона” овозаҳо паҳн шуданд. Дар омади гап, вохӯриҳои қаблӣ бо “Барса” дар соли 2009 барои лондониҳо хеле ҳассос сипарӣ шуд. Чун дар он вохӯрӣ Дрогба бо довар пас аз таъини ноодилонаи зарбаи 11-мет-ра бархурди лафзӣ намуда, қариб буд бо занозанӣ анҷом ёбад. Бояд гуфт, ки дидори дастаҳо дар финал сурат мегирифт ва бо ғолибияти “Барса” анҷом ёфта, Дрогбаву ҳамдастагонашро бе ҷом ба хона гуселонид.
САРСОНӢ ДАР ФУТБОЛ
Ҳамлагар овозаҳоро барҳам дод ва расман изҳор дошт, ки гуфтушунид бо “Барселона” гузаронида нашудааст, аммо футболбоз пас аз анҷоми шартнома дар соли 2012 ба бошгоҳи чинии "Шанхай Шенхуа" ва пас аз як мавсим ба дастаи “Галатасарай”-и Туркия гузариш намуда, дар он ҷо ҳам як мавсим боқӣ монду тамом.
Соли 2014 ёду хаёли дастаи дӯстдошта ӯро дигарбора ба “Челси” овард. Соли 2015 варзишгар ба Канада кӯчида, узви дастаи “Монреал Импакт” шуд. Бозингари беҳамто дар Канада ҳам як мавсим ҳунарнамоӣ карда, соли 2017 ба дастаи “Финикс Райзинги Амрико” гузашт ва то охири корнома, яъне то соли 2018, дар ин даста ҳунарнамоӣ кард.
ТИМИ МУНТАХАБ
Илова ба фаъолият дар бошгоҳҳои бонуфузи сайёра футболбоз аз соли 2002 то соли 2014 аъзои тими мунтахаби Кот-д Ивуар буд. Дрогба бо тими мунтахаби хеш дар мавсимҳои 2006 ва 2012 ба гирифтани медалҳои нуқраи ҷоми миллатҳои Африқо ноил гардид.
МАВҚЕИ ИҶТИМОӢ
Соли 2005 дар кишвари варзишгар Кот-д Ивуар ҷанги шаҳрвандӣ сар шуд. Он замон Дрогба дар Фаронса ба сар мебурд, аммо нисбат ба ҳодисаҳои кишвараш бетараф шуда наметавонист. Соли 2006 ӯ дар як паёми видеоӣ ба зону зада, аз шӯришчиён хоҳиш кард, ки силоҳҳои худро гузошта, ҷанги шаҳрвандиро хотима диҳанд. Кӯшишҳои ҳамлагар бомуваффақият анҷом ёфт, паёмаш таъсиргузор шуд ва иштироки минбаъдаи Дрогба дар ин раванд бо созишномаи байни тарафҳо дар соли 2007 бо имзои ризоияти сулҳ хотима ёфт.
ҲАЁТИ ШАХСӢ
Дрогба солҳои 90-ум дар пойтахти Фаронса бо ҳамсараш Лалла, ки аслаш аз Мали аст, шинос шуд. Он замон футболбоз дар ҳайати ҷавонони “Ле Ман” фаъолият мекард. Оилаи духтар ҳам аз олами футбол ба хубӣ бархурдор буд, зеро падари Лалла солҳои 70-ум дар майдонҳои футболи кишвараш дурахши намоён дошт.
Ба гуфтаи Диде Дрогба ҳамсараш ӯро дастгирӣ мекард, вақте ки ӯ дар бораи тағйири касб фикр мекард, танҳо ҳамсараш ҳамрозу ҳамақидааш буд.
Лалларо ҳамагон чун рассоми моҳир мешиносанд. Расмҳои ӯ дар Мали, Сенегал, Кот –д Ивуар, Фаронса ва Англия ба намоиш гузошта шуда, шуҳрати беандоза низ доранд.
Дрогба се фарзанд дорад - ду писар ва як духтар. Писари калонӣ, ки нақша дошт аз паи падар биравад, аввалин қадамҳои худро дар Академияи футболи “Челси” гузошт ва пасон ба тими ҷавонони даста пайваст.
Ҳамсарон муносибатҳои худ-ро танҳо соли 2011 дар Монако қонунӣ карданд. Навхонадорон як маросимро бо оила ва дӯстони наздик афзал донистанд. Харҷи тӯйро молики онвақтаи “Челси” Роман Абрамович ба уҳда гирифта худ низ иштирокчии бевоситаи маросим буд.
Ин оила ба корҳои хайру саховат машғул аст ва фонди хайриявии футболбоз бо номи “Дрогба” ба соҳаи тиб ва таҳсил сармоягузорӣ намуда, дар ватани футболбоз чандин мактабу беморхонаҳоро бунёд кардааст.
Барои иштироки фаъол ва ҳалли низоъ дар Котдивуар соли 2007 ба футболбоз унвони “Барномаи рушди СММ” дода шуд.
ХУЛОСА
Бояд иқрор шуд, ки Дрогба як мақоми эътирофшуда дар ҷаҳони футбол боқӣ мемонад. Ӯ ҳамчун футболбози моҳир ва инсони хайрхоҳу накукор то даме, ки набзи ҷомеа метапад, дар ёду хаёли дӯстдорони варзиш боқӣ хоҳад монд.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед