Субҳи имрӯз дар деҳаи Киштӯдаки деҳоти Ёрии шаҳри Панҷакент майдони варзишӣ ба истифода дода шуд.

Зимни ифтитоҳи иншооти варзишӣ гуфта шуд, ки дар доираи омодагиҳо ба истиқболи Ҷашни 35-солагии Истиқлоли давлатӣ майдони варзишӣ бо дастгирии Мақомоти иҷроияи ҳокимияти давлатӣ ва саҳми сокинон бо харҷи беш аз 300 ҳазор сомонӣ бунёд гардидааст.

Таъкид гардид, ки сохтмони чунин майдонҳои варзишии замонавӣ имкон фароҳам меорад, ки наврасону ҷавонон пайваста ба варзиш, аз ҷумла футбол машғул шаванд.

Аз насли ҷавон даъват ба амал оварда шуд, ки бо истифода аз шароити мавҷуда ба варзиш машғул шаванд ва ҳаёти солимро пеша намоянд.

Субҳиддин ҚОДИРОВ, “ҶТ”