Дастаи мунтахаби бокси Тоҷикистон барои ширкат дар Чемпионати Осиё ба Муғулистон сафар кард. Мусобиқа имрӯз - 30 март оғоз гардида, то 10 апрел дар Улан-Батор, пойтахти Муғулистон идома меёбад.

Ҳайати дастаро байни мардон нафарони зерин намояндагӣ мекунанд:

Анӯшервон Фозилов (55 кг)
Акмал Убайдов (60 кг)
Руслан Ғафуров (65,5 кг)
Шамшер Саидов (70 кг)
Некрӯз Салимов (80 кг)
Парвиз Каримов (90 кг)
Муҳаммад Аброриддинов (+90 кг)

Байни занон:

Миҷгона Самадова (57 кг)
Бибинишастамо Холова (60 кг)

Дастаро мураббиҳои боистеъдод Саидхуҷа Мамуров ва Хуршед Ҷӯраев роҳбарӣ мекунанд.

Дар мусобиқа намояндагони 25 кишвар ва ҳадди ақал 230 муштзан ширкат варзида, байни ҳам барои зинаҳои ифтихорӣ нерусанҷӣ мекунанд.

Яҳё МАҲМАДНАБИЕВ, “ҶТ”