Шаби 2-юми июн дар шаҳри Ню-Йорк (ИМА) нахустин мусобиқаи тобистонаи UFC 302 баргузор гардид, ки дар рақобати асосӣ Ислом Махачёв камарбанди худро муқобили Дастин Поре ҳимоя кард. Пауло Коста бошад, дар қувваозмоӣ бо Шон Стрикленд ноком шуд.

Дар муборизаи асосии UFC 302 Ислом Махачёв Дастин Пореро шикаст дод. Алмос то ҷое барои Ислом мушкилӣ эҷод кард, чун ягона размандае гардид, ки ба рӯи варзишгари русиягӣ 16 зарбаи мустақим зад ва рӯяшро хуншор намуд. Танҳо дар пайти 5-ум Махачёв имкон пайдо намуда, Дастинро бо усули буғикунӣ таслим сохт.

Ислом Махачёв дар ин рақобат Дана Уайтро чунон ба ҳайрат овард, ки ӯ ба чемпион якбора ду мукофот дод - барои "Намоиши беҳтарин" ва "Беҳтарин мубориза"-и мусобиқа. Мувофиқи маълумоти MMA “Salaries”, Махачёв барои ҳимояи сеюмбораи камарбанди хеш 1,84 миллион доллар ба даст овард (1,5 миллион барои баромадан, 200 ҳазор аз фурӯши чиптаҳо, 100 ҳазор ҳамчун бонус барои мубориза ва иҷрои беҳтарин усулҳо ва 42 ҳазор аз ҳисоби сарпарастон) .

Варзишгароне, ки дар UFC 302 аз ҳама маблағи зиёд гирифтанд:

Варзишгарон Гонорар (бо қурби доллар)

Ислом Махачёв - 1 842 000
Дастин Поре - 1 282 000
Шон Стрикланд - 621 000
Пауло Коста - 506 000
Кевин Холланд - 371 000
Жаилтон Алмейда - 206 000
Грант Доусон - 186 000
Нико Прайс - 160 000
Рэнди Браун 160 000