Саломзода Сиҷоуддин, раиси шаҳри Бохтар 15-уми феврал зимни нишасти хабарӣ ба рӯзноманигорон иттилоъ дод, ки бояд дар шаҳр Маҷмааи варзишӣ бунёд гардад.

Номбурда дар идома гуфт, ки Маҷмааи варзишӣ дар ҳудуди як гектар бо ҷойгир намудани ҳавзҳои болопӯшидаи шиноварӣ ба нақша гирифта шуда, бунёди иншооти мазкур бо саҳми соҳибкорони маҳаллӣ дар назар аст.

Ёдовар мешавем, ки то кунун дар маркази маъмурии вилояти Хатлон шаҳри Бохтар Маҷмааи варзишӣ ё ин ки ягон толори махсуси муносиб барои баргузории чорабиниҳои гуногуни варзишӣ мавҷуд нест.