Дар Боғи фарҳангӣ-фароғатии ба номи устод С.Айнии шаҳри Бӯстон мусобиқаи варзишӣ оид ба шашка ва шоҳмот байни кормандони корхонаву муассисаҳо ҷамъбаст гардид.

Мусобиқа бахшида ба 30-солагии Истиқлолияти давлатии Ҷумҳурии Тоҷикистон доир гардида, мақсади он тарғиби тарзи ҳаёти солим байни кормандони корхонаву муассисаҳо, ҷалби бештари кормандон ба тарбияи ҷисмонӣ ва варзиш ва мустаҳкам намудани дӯстӣ байни онҳо мебошад.

Дар даври финалии мусобиқа иштирокчиён аз шуъбаи маориф, Донишкадаи кӯҳию-металлургии Тоҷикистон, МД “Мактаби варзишӣ” ва Мақомоти иҷроияи ҳокимияти давлатии шаҳри Бӯстон иштирок намуда, дар натиҷа беҳтаринҳо муайян гардиданд.

Дар фарҷоми мусобиқа ғолибон бо медал ва сипоснома қадрдонӣ шуданд.