Ба ифтихори Рӯзи пойтахти Ҷумҳурии Тоҷикистон дар ҷамоати Қалъаи Хумб ва деҳаи Зинги ноҳияи Дарвоз бо ибтикори Бахши кор бо ҷавонон ва варзиши ноҳия як қатор чорабиниҳои фарҳангӣ – варзишӣ доир гаштанд.

Нахуст, машқҳои пагоҳирӯзӣ бо ҷалби зиёда аз 60 нафар ҷавонону наврасон дар маркази ноҳия ва деҳаи Зинг гузаронида шуда, сипас бо толибилмони мактабҳои таҳсилоти миёнаи умумии №4 ва 42 оид ба масъалаҳои мубрам, аз қабили пешгирӣ ва муқовимат бо терроризму экстримизм вохӯрии судманд сурат гирифт.

Мусобиқаи баскетбол дар ҷамоати болозикр байни дастаҳои занонаи “Ваҳдат” ва “Наврӯз” гузашта, дар охир “Ваҳдат” бар тими рақиб ғолиб омада, ҷойи аввалро соҳиб шуд.

Ба иттилои Хуршед Ғаффоров, корманди бахш, дигар чорабиниҳои солимгардонӣ ва фарҳангӣ дар ноҳия идома доранд.