ВАРЗИШ
Шанбе 22 Июн 2024 11:00
10149
Шуруъ аз 6 апрел Чемпионати Тоҷикистон - 2024 байни дастаҳои Лигаи олӣ баргузор мегардад.

Дар ин хусус аз Федератсияи футболи кишвар хабар доданд.

Ба иттилои манбаъ дар мавсими имсола 12 даста иштирок менамояд ва чемпионат то 10 ноябр идома хоҳад кард.

Дар ин мавсим дастаҳои футболи “Истиқлол”, КМВА (ҳарду аз Душанбе), “Равшан” (Кӯлоб), “Эсхата”, “Хуҷанд” (ҳарду аз Хуҷанд), “Ҳосилот” (Фархор), “Регар-ТадАЗ” (Турсунзода), “Вахш” (Бохтар), “Куктош” (Рӯдакӣ), “Панҷшер” (Ҷалолиддини Балхӣ), “Истаравшан” (Истаравшан) ва “Барқчӣ” (Ҳисор) миёни ҳам рақобат хоҳанд кард.

Тибқи низомнома, Чемпионати Тоҷикистон 2024 дар ду давра баргузор мешавад, ки ҳар даста дар майдони худ ва дар меҳмонӣ бо ҳам бозӣ менамоянд. Дар маҷмуъ, ҳар тим 22 бозӣ мегузаронад. Дастае, ки дар мавсими соли 2024 дар Лигаи олӣ мақоми охиринро ишғол менамояд, ба Лигаи якум мегузарад ва бошгоҳе, ки дар мусобиқа ҷойи ёздаҳумро мегирад, бо барандаи медали нуқраи Лигаи аввали Тоҷикистон-2024 бозиҳои гузаришӣ доир мекунад.

Бозиҳои даври аввали Чемпионати Тоҷикистон 2024:


6 апрел | 16:00

“Хуҷанд” – “Эсхата”
“Регар-ТадАЗ” – “Вахш”
“Барқчӣ” – “Равшан”

7 апрел | 16:00

“Ҳосилот” – “Куктош”
“Истиқлол” – “Истаравшан”
“Панҷшер” – КМВА

Бояд гуфт Чемпионати Тоҷикистон - 2024 байни дастаҳои Лигаи олӣ дафъаи 33-юм аст, ки дар кишвар баргузор мегардад.

Эзоҳи худро нависед



Рамзҳо дар расм