ВАРЗИШ
Душанбе 20 Январ 2025 10:16
Геннадий Головкин, муштзани беҳамтои қазоқистонӣ, дорандаи даҳҳо унвони қаҳрамонӣ, ки аз 45 рақобат ба истиснои 2 рақобат ҳамвора пирӯз гардидааст, интихоби арзандаест барои саҳифаи ситораҳои варзиш.
ТАВЛИДИ НОБИҒАИ БОКС
Геннадий Геннадиевич Головкин 8 апрели соли 1982 дар Карагандаи кишвари Қазоқистон таваллуд шудааст. Тибқи иттилои манбаъҳо модари варзишгар кореягиву падараш рустабор мебошад, аммо Геннади худро қазоқ меҳисобад. Дар гузашта падари Головкин ба сифати кӯҳкан ва модараш дорусоз шуда кор мекарданд. Замони кӯдакии ӯ дар маҳаллаи Майкудук, ки ҳамчун маҳаллаи криминалии Караганда ба шумор мерафт, сипарӣ гардидааст.
ВАФОТИ БАРОДАР ВА ТАЪСИРИ РАВОНӢ
Гена дар баробари худ се бародар бо номҳои Максим, Вадим ва Сергей дорад. Бародари калонӣ муштзан буда, Вадим вафот кардааст. Бино ба овозаҳо, вафоти Вадим дар хизмати ҳарбӣ рух додааст. Аз даст додани бародар ба равони бача осеби зиёд гузошт. Аммо зиндагӣ идома дошт ва ӯ бояд сӯйи мақсади асосии худ гомҳои устувор мебардошт. Писарбача дар 8-солагӣ ба тамрингоҳи бокс рафту дар 11-солагӣ иштирок дар мусобиқаҳоро таҷриба кард.
АЗ ТАМРИН БАРОИ ҲИМОЯ ТО НИШОНИ ОЛИМПӢ
Варзишгар ба хотир меорад, ки замони ҷавониаш байни авбошону шӯрапуштон сипарӣ гаштааст ва ба ҳамин хотир барои муҳофизати хеш ӯ бояд ба ягон намуди варзиш машғул мешуд. Тамринҳояш дар самти бокс, чи дар занозаниҳои кӯчагӣ ва чи дар майдони касбӣ барояш иқболу шараф овард.
Дар хурдӣ Головкин ба футбол ҳам мароқи зиёд дошт, аммо ин намуди варзишро чун шуғлу боксро ҳамчун касб дар замираш ҷой дода буд ва Криштиан Роналду барояш беҳтарин футболбоз маҳсуб меёфт.
Чуноне дар аввал гуфтем, Геннадий ҳангоми 11-сола будан ба майдон баромад ва тавонист рақибонашро, ки 14-15 сол дош-танд, ба осонӣ мағлуб намояд.
Гуфта мешавад, ки Геннадий Головкин дар тамоми давраи фаъолияти варзишиаш, чи дар бокси касбӣ ва чи дар бокси ғайрикасбӣ, 350 рақобат гузаронида, аз ин 345 набардро бо пирӯзӣ паси сар намудааст.
Варзишгар дар Олимпиадаи Афина (соли 2004) соҳиби медали нуқра гардид, ки беҳтарин дастовардаш то он замон маҳсуб меёфт.
БОКСИ КАСБӢ
Ба майдони касбӣ баромадани Геннадий соли 2006 иттифоқ афтод. Ва худи ҳамон сол варзишгар бо ташкилоти олмонии “УНИВЕРСИУМ ПРАМОВШУН” шартнома баст. Муштзан баробари пайвастанаш ба ин ташкилот ба қатори ситорагони бокс дохил гардида, 8 рақобати аввалро пеш аз муҳлат бо нокаут ба анҷом расонид, ки аксари рақибонаш муштзанҳои касбӣ буданд.
Задухӯрдҳои баъдӣ роҳи Геннадийро барои ба даст овардани унвони қаҳрамони WBA ҳамвор намуд ва соли 2010 билохир соҳиби ин унвон гардид. Муштзан барои шарафёб гардидан ба ин ҷоиза сарсахттарин рақибон, ба мисли Меҳди Боул, Ян Гарднер, Малик Диарра Ҷон Андерсон ва Михаил Макаровро мағлуб кард.
Дар он мавсим муштзан шартномаашро бо ширкати “УНИВЕРСУМ” тамдид кард ва рақибони минбаъдааш Филикс Штурмом ва Себастян Забиков интихоб гардиданд. Дар баробари ин, Гени бо ташкилотҳои “К2” ва “Кличко” ҳамкориро барқарор намуд.
Моҳи декабри соли 2010 Головкин барои ба даст овардани камарбанди WBA бо Нелсон Хулиои панамагӣ рақобат намуда, ӯро дар пайти 5-ум нокаут кард. Соли 2011 муштзан ин унвонро дар набард муқобили Қоссим Оума ва Лахуан Симон ҳимоя карда, соли 2012 чунин натиҷаро муқобили Макото Фучигамии ҷопонӣ такрор намуда, пайиҳам се сол қаҳрамони вазни то 72 кг гардид.
Бисёре аз мухлисони ӯ ҳадс мезаданд, ки Геннадий чапдаст аст, аммо дар рақобати соли 2011 муқобили Григор Прокса ӯ нишон дод, ки бо дасти рост ҳам қодир аст ҳарифро ба нокаут фиристад.
Соли 2012 Головкин аввалин бор дар шабакаи HBO баромад кард. Аз он вақт инҷониб нуфузу шуҳраташ дар олами бокс даҳчанд гардид, зеро то он замон аксарият рақобатҳои ӯро дида наметавонистанд. Дар баробари дастрас гардидани навори рақобатҳо инчунин ҳаққи хизмати варзишгар низ афзуд. Аввалин дастмузди гарони Головкин ҳангоми мубориза бо Габриэл Розадо моҳи январи соли 2013 ба шумор меравад, ки барои пирӯзӣ 350 ҳазор доллар ба даст оварда буд. Оҳиста-оҳиста ин маблағ афзоиш ёфт ва соли 2015 ҳаққи муштзани қазоқ барои мубориза бо Вилли Морани 1,5 миллион доллар ва бо Дэвид Лемю 2 миллион доллари амрикоиро ташкил дод.
Соли 2014-ро метавон соли бобарортарин барои Геннадий номид, зеро ӯ моҳи июли он сол бо қаҳрамони собиқи WBA Даниэл Гил вохӯрд. Мубориза дар даври севум бо пирӯзии муштзани қазоқ ба поён расид. Геннадий моҳи октябри ҳамон сол Марко Антонио Рубиоро дар пайти севум нокаут кард. Тулонитарин мубориза барои муштзани қазоқистонӣ дар он мавсим рақобат муқобили Мартин Мюррей буд, ки бо вуҷуди нокдаунҳои зиёд боз рӯи по меистоду мубориза мебурд. Гени танҳо дар раунди 11-ум муваффақ шуд, то канадагиро ба пуррагӣ шикаст диҳад.
Ӯ бо Вилли Мерони амрикоӣ ва Дэвид Лемони канадагӣ мубориза бурда, ҳардуро бо гузораи 8 пайт торумор кард. Моҳи апрели соли 2016 Головкин чунин натиҷаро муқобили Доминик Уэйд, ки қаблан ҳеҷ гоҳ шикаст нахӯрда буд, такрор намуд. Моҳи майи ҳамон сол Геннадий қаҳрамони ҷаҳон оид ба бокс дар вазни сабук гардид, зеро дорандаи унвони қаҳрамонӣ Саул Алварес аз ӯ ихтиёран даст кашид. Сентябри ҳамон мавсим ин варзишгар бо қаҳрамони ҷаҳони IBF Келл Брук мубориза бурда, ӯро ҳам аз ҳимояи камарбанди чемпионӣ маҳрум кард.
НАТИҶАИ РЕКОРДӢ
Соли 2016 Головкин чун чемпиони рақибонашро аз ҳама зуд ба нокаут фиристода, дар байни миёнавазнҳо вориди китоби “Рекордҳои Гиннес” гардид. Аз 36 рақобати доирнамудааш дар масири солҳои 2006-2016 33 рақобатро тариқи нокаут анҷом додааст, ки ин омор 91,67%-ро ташкил медиҳад. Маҳз барои чунин омори боварнокарданӣ ба муштзани қазоқистонӣ шаҳодатномаи рекордии бақайдгирифташуда тақдим намуданд, ки пасон акси шаҳодатнома дар сафҳаи твиттеру инстаграми Головкин низ намоён шуд.
РАҚИБИ НОБОБ
Рақобати Геннадий Головкин бо Саул Алварес деринтизортарин рақобати моҳи сентябри соли 2017 гардид. Ҳеҷ кадоме аз муштзанон ҷоизаҳояшро аз даст додан намехост ва аз ин рӯ рақобат мусовӣ хотима ёфт. Тибқи овозаҳо Головкин гӯё подошпулии бештарин дар ҳаҷми 25 млн долларро ба даст овард, лекин расман ҳаҷми подошпулӣ танҳо 3 млн доллар гуфта шуд.
Оғози моҳи майи соли 2018 миёни Геннадий Головкин ва Саул Алвареси мексикоӣ бояд пурсарусадотарин рақобат доир мешуд, аммо комиссияи зиддидопингӣ Алваресро ба хотири натиҷаи мусбии ташхиси допингӣ ним сол аз иштирок дар рақобатҳо маҳрум кард. Бар ивази муштзани мексикоӣ ба ринг варзишгари арманитабори амрикоӣ Ванес Мартиросян баромад. Рақобат нобаробар сурат мегирифт, чунки ҳарифи Геннадий ниҳоят заифу нотавон ба назар мерасид.
Геннадий дар рафти рақобат ба ҳарифаш ягон имконе надода, ӯро бо усули нокаути барояш доимӣ мағлуб намуд. Бо ҳамин Головкин рекорди навбатӣ гузошту 20-умин дифои унвони қаҳрамонӣ кард, ки чунин натиҷа қабл аз ӯ ба Бернард Хопкинс тааллуқ дошт, вале бар замми ин аз рафти рақобат ҳеҷ кайфияти хоссаеро эҳсос накард.
Геннадий Головкин соли 2018 бояд ба муқобили муштзани украинӣ Сергей Деревянченко вориди ринг мешуд, то унвони қаҳрамонии хешро тибқи радабандии Федератсияи байналмилалии муштзанон ва ё IBF дар вазни миёна дифоъ намояд, лекин варзишгари қазоқ аз рақобат даст кашиду ин камарбанд озод эълон шуд.
Моҳи сентябри соли 2018 дар Лас-Вегас рақобати сол, ё худ разми дубора бо Канело доир шуд. Мисли рақобати пешин ин навбат низ муштзанон 12 даврро дар дохили ринг паси сар намуда, нафари ғолибро доварон бо мушкилӣ муайян намуданд. Ин маврид нафари ғолиб Саул Алварес дониста шуд. Головкин ҳамон вақт кулли камарбандҳояшро барои дифоъ монда буд ва ахиран онҳоро аз рӯи радабандиҳои WBC, WBA (Super) ва IBO аз даст дод. Бар замми шикаст аз ин набард Гени тавонист 30 млн. доллар дастмузд гирад.
Моҳи марти соли 2019 муштзан бо арзиши 100 млн. доллар барои иштирок дар 6 рақобат бо ташкилоти ДАЗН шартномаи 3-сола баст ва тамоми рақобатҳои хешро дар ин ташкилот давоми ду сол бо ғолибият паси сар карда, маблағҳои ҳангуфтро низ ба даст овард, ки тибқи фарзияҳо ба 40 млн. доллар рақам зада мешаванд.
Охирин рақобати Геннадий 14 сентябри соли 2022 боз ҳам муқобили рақиби сарсахташ Саул Алварес баргузор гардид. Ин дидор рақобати сеюми муштзанон маҳсуб меёфт, ки бори аввал мусовӣ, бори дувум бо ғолибияти Саул хатм шуда буд.
Дар реванши охирон ҳам Саул ғалаба кард ва дар корномаи қазоқистонӣ ду омори бохт сабт гардид, ки ҳарду аз дасти Саул Алварес мебошад.
Геннадий баробари дастмузд аз бокс, инчунин аз ширкатҳои рекламадиҳандае ба мисли Эпел, Самсун ва Ҷордан ҳамасола то 2 млн. доллар фоида мебинад.
ҲАЁТИ ШАХСӢ
Ҳаёти шахсии ин муштзани шуҳратёр аз рӯзноманигорони кунҷков ба таври ҷиддӣ ҳимоя шуда, маълумотҳо дар бораи ӯ дар расонаҳо хеле кам пайдо мешаванд. Геннадий Головкин талош мекунад, ки маълумотҳои марбут ба ҳаёти оилавиашро пешкаши ҷомеа насозад, валекин дӯстиашро бо Ронда Роузии амрикоӣ махфӣ нигоҳ намедорад. Ронда қаҳрамони собиқи UFC миёни бонувон дар вазни сабуктарин ва мухлиси ашаддии Геннадий мебошад. Геннадий низ борҳо дар маҷрои касбӣ ба Ронда изҳори муҳаббат кардааст.
Геннадий бо завҷааш Алина Головкина ҳанӯз соли 2000-ум шинос шуда, танҳо баъди ҳафт сол оиладор шуданд. Ин ҷуфт бо писарашон – Вадим дар Лос-Анҷелес ба сар мебурданд. Моҳи сетябри соли 2017 дар оилаи Геннадий Головкин рӯйдоди навбатии хурсандиоваре ба миён омад. Ҷуфти муносиб бори дуюм фарзанддор ва соҳиби духтар шуданд. Тибқи гуфтаи варзишгар шуғли дӯстдоштаи ӯ ҳамроҳи оила будану лаззат бурдан аз муошират бо онҳост. Айни ҳол варзишгар дар Лос Анҷелес ҳамроҳи хонаводааш зиндагӣ мекунад.
Яҳё МАҲМАДНАБИЕВ, “ҶТ”
ТАВЛИДИ НОБИҒАИ БОКС
Геннадий Геннадиевич Головкин 8 апрели соли 1982 дар Карагандаи кишвари Қазоқистон таваллуд шудааст. Тибқи иттилои манбаъҳо модари варзишгар кореягиву падараш рустабор мебошад, аммо Геннади худро қазоқ меҳисобад. Дар гузашта падари Головкин ба сифати кӯҳкан ва модараш дорусоз шуда кор мекарданд. Замони кӯдакии ӯ дар маҳаллаи Майкудук, ки ҳамчун маҳаллаи криминалии Караганда ба шумор мерафт, сипарӣ гардидааст.
ВАФОТИ БАРОДАР ВА ТАЪСИРИ РАВОНӢ
Гена дар баробари худ се бародар бо номҳои Максим, Вадим ва Сергей дорад. Бародари калонӣ муштзан буда, Вадим вафот кардааст. Бино ба овозаҳо, вафоти Вадим дар хизмати ҳарбӣ рух додааст. Аз даст додани бародар ба равони бача осеби зиёд гузошт. Аммо зиндагӣ идома дошт ва ӯ бояд сӯйи мақсади асосии худ гомҳои устувор мебардошт. Писарбача дар 8-солагӣ ба тамрингоҳи бокс рафту дар 11-солагӣ иштирок дар мусобиқаҳоро таҷриба кард.
АЗ ТАМРИН БАРОИ ҲИМОЯ ТО НИШОНИ ОЛИМПӢ
Варзишгар ба хотир меорад, ки замони ҷавониаш байни авбошону шӯрапуштон сипарӣ гаштааст ва ба ҳамин хотир барои муҳофизати хеш ӯ бояд ба ягон намуди варзиш машғул мешуд. Тамринҳояш дар самти бокс, чи дар занозаниҳои кӯчагӣ ва чи дар майдони касбӣ барояш иқболу шараф овард.
Дар хурдӣ Головкин ба футбол ҳам мароқи зиёд дошт, аммо ин намуди варзишро чун шуғлу боксро ҳамчун касб дар замираш ҷой дода буд ва Криштиан Роналду барояш беҳтарин футболбоз маҳсуб меёфт.
Чуноне дар аввал гуфтем, Геннадий ҳангоми 11-сола будан ба майдон баромад ва тавонист рақибонашро, ки 14-15 сол дош-танд, ба осонӣ мағлуб намояд.
Гуфта мешавад, ки Геннадий Головкин дар тамоми давраи фаъолияти варзишиаш, чи дар бокси касбӣ ва чи дар бокси ғайрикасбӣ, 350 рақобат гузаронида, аз ин 345 набардро бо пирӯзӣ паси сар намудааст.
Варзишгар дар Олимпиадаи Афина (соли 2004) соҳиби медали нуқра гардид, ки беҳтарин дастовардаш то он замон маҳсуб меёфт.
БОКСИ КАСБӢ
Ба майдони касбӣ баромадани Геннадий соли 2006 иттифоқ афтод. Ва худи ҳамон сол варзишгар бо ташкилоти олмонии “УНИВЕРСИУМ ПРАМОВШУН” шартнома баст. Муштзан баробари пайвастанаш ба ин ташкилот ба қатори ситорагони бокс дохил гардида, 8 рақобати аввалро пеш аз муҳлат бо нокаут ба анҷом расонид, ки аксари рақибонаш муштзанҳои касбӣ буданд.
Задухӯрдҳои баъдӣ роҳи Геннадийро барои ба даст овардани унвони қаҳрамони WBA ҳамвор намуд ва соли 2010 билохир соҳиби ин унвон гардид. Муштзан барои шарафёб гардидан ба ин ҷоиза сарсахттарин рақибон, ба мисли Меҳди Боул, Ян Гарднер, Малик Диарра Ҷон Андерсон ва Михаил Макаровро мағлуб кард.
Дар он мавсим муштзан шартномаашро бо ширкати “УНИВЕРСУМ” тамдид кард ва рақибони минбаъдааш Филикс Штурмом ва Себастян Забиков интихоб гардиданд. Дар баробари ин, Гени бо ташкилотҳои “К2” ва “Кличко” ҳамкориро барқарор намуд.
Моҳи декабри соли 2010 Головкин барои ба даст овардани камарбанди WBA бо Нелсон Хулиои панамагӣ рақобат намуда, ӯро дар пайти 5-ум нокаут кард. Соли 2011 муштзан ин унвонро дар набард муқобили Қоссим Оума ва Лахуан Симон ҳимоя карда, соли 2012 чунин натиҷаро муқобили Макото Фучигамии ҷопонӣ такрор намуда, пайиҳам се сол қаҳрамони вазни то 72 кг гардид.
Бисёре аз мухлисони ӯ ҳадс мезаданд, ки Геннадий чапдаст аст, аммо дар рақобати соли 2011 муқобили Григор Прокса ӯ нишон дод, ки бо дасти рост ҳам қодир аст ҳарифро ба нокаут фиристад.
Соли 2012 Головкин аввалин бор дар шабакаи HBO баромад кард. Аз он вақт инҷониб нуфузу шуҳраташ дар олами бокс даҳчанд гардид, зеро то он замон аксарият рақобатҳои ӯро дида наметавонистанд. Дар баробари дастрас гардидани навори рақобатҳо инчунин ҳаққи хизмати варзишгар низ афзуд. Аввалин дастмузди гарони Головкин ҳангоми мубориза бо Габриэл Розадо моҳи январи соли 2013 ба шумор меравад, ки барои пирӯзӣ 350 ҳазор доллар ба даст оварда буд. Оҳиста-оҳиста ин маблағ афзоиш ёфт ва соли 2015 ҳаққи муштзани қазоқ барои мубориза бо Вилли Морани 1,5 миллион доллар ва бо Дэвид Лемю 2 миллион доллари амрикоиро ташкил дод.
Соли 2014-ро метавон соли бобарортарин барои Геннадий номид, зеро ӯ моҳи июли он сол бо қаҳрамони собиқи WBA Даниэл Гил вохӯрд. Мубориза дар даври севум бо пирӯзии муштзани қазоқ ба поён расид. Геннадий моҳи октябри ҳамон сол Марко Антонио Рубиоро дар пайти севум нокаут кард. Тулонитарин мубориза барои муштзани қазоқистонӣ дар он мавсим рақобат муқобили Мартин Мюррей буд, ки бо вуҷуди нокдаунҳои зиёд боз рӯи по меистоду мубориза мебурд. Гени танҳо дар раунди 11-ум муваффақ шуд, то канадагиро ба пуррагӣ шикаст диҳад.
Ӯ бо Вилли Мерони амрикоӣ ва Дэвид Лемони канадагӣ мубориза бурда, ҳардуро бо гузораи 8 пайт торумор кард. Моҳи апрели соли 2016 Головкин чунин натиҷаро муқобили Доминик Уэйд, ки қаблан ҳеҷ гоҳ шикаст нахӯрда буд, такрор намуд. Моҳи майи ҳамон сол Геннадий қаҳрамони ҷаҳон оид ба бокс дар вазни сабук гардид, зеро дорандаи унвони қаҳрамонӣ Саул Алварес аз ӯ ихтиёран даст кашид. Сентябри ҳамон мавсим ин варзишгар бо қаҳрамони ҷаҳони IBF Келл Брук мубориза бурда, ӯро ҳам аз ҳимояи камарбанди чемпионӣ маҳрум кард.
НАТИҶАИ РЕКОРДӢ
Соли 2016 Головкин чун чемпиони рақибонашро аз ҳама зуд ба нокаут фиристода, дар байни миёнавазнҳо вориди китоби “Рекордҳои Гиннес” гардид. Аз 36 рақобати доирнамудааш дар масири солҳои 2006-2016 33 рақобатро тариқи нокаут анҷом додааст, ки ин омор 91,67%-ро ташкил медиҳад. Маҳз барои чунин омори боварнокарданӣ ба муштзани қазоқистонӣ шаҳодатномаи рекордии бақайдгирифташуда тақдим намуданд, ки пасон акси шаҳодатнома дар сафҳаи твиттеру инстаграми Головкин низ намоён шуд.
РАҚИБИ НОБОБ
Рақобати Геннадий Головкин бо Саул Алварес деринтизортарин рақобати моҳи сентябри соли 2017 гардид. Ҳеҷ кадоме аз муштзанон ҷоизаҳояшро аз даст додан намехост ва аз ин рӯ рақобат мусовӣ хотима ёфт. Тибқи овозаҳо Головкин гӯё подошпулии бештарин дар ҳаҷми 25 млн долларро ба даст овард, лекин расман ҳаҷми подошпулӣ танҳо 3 млн доллар гуфта шуд.
Оғози моҳи майи соли 2018 миёни Геннадий Головкин ва Саул Алвареси мексикоӣ бояд пурсарусадотарин рақобат доир мешуд, аммо комиссияи зиддидопингӣ Алваресро ба хотири натиҷаи мусбии ташхиси допингӣ ним сол аз иштирок дар рақобатҳо маҳрум кард. Бар ивази муштзани мексикоӣ ба ринг варзишгари арманитабори амрикоӣ Ванес Мартиросян баромад. Рақобат нобаробар сурат мегирифт, чунки ҳарифи Геннадий ниҳоят заифу нотавон ба назар мерасид.
Геннадий дар рафти рақобат ба ҳарифаш ягон имконе надода, ӯро бо усули нокаути барояш доимӣ мағлуб намуд. Бо ҳамин Головкин рекорди навбатӣ гузошту 20-умин дифои унвони қаҳрамонӣ кард, ки чунин натиҷа қабл аз ӯ ба Бернард Хопкинс тааллуқ дошт, вале бар замми ин аз рафти рақобат ҳеҷ кайфияти хоссаеро эҳсос накард.
Геннадий Головкин соли 2018 бояд ба муқобили муштзани украинӣ Сергей Деревянченко вориди ринг мешуд, то унвони қаҳрамонии хешро тибқи радабандии Федератсияи байналмилалии муштзанон ва ё IBF дар вазни миёна дифоъ намояд, лекин варзишгари қазоқ аз рақобат даст кашиду ин камарбанд озод эълон шуд.
Моҳи сентябри соли 2018 дар Лас-Вегас рақобати сол, ё худ разми дубора бо Канело доир шуд. Мисли рақобати пешин ин навбат низ муштзанон 12 даврро дар дохили ринг паси сар намуда, нафари ғолибро доварон бо мушкилӣ муайян намуданд. Ин маврид нафари ғолиб Саул Алварес дониста шуд. Головкин ҳамон вақт кулли камарбандҳояшро барои дифоъ монда буд ва ахиран онҳоро аз рӯи радабандиҳои WBC, WBA (Super) ва IBO аз даст дод. Бар замми шикаст аз ин набард Гени тавонист 30 млн. доллар дастмузд гирад.
Моҳи марти соли 2019 муштзан бо арзиши 100 млн. доллар барои иштирок дар 6 рақобат бо ташкилоти ДАЗН шартномаи 3-сола баст ва тамоми рақобатҳои хешро дар ин ташкилот давоми ду сол бо ғолибият паси сар карда, маблағҳои ҳангуфтро низ ба даст овард, ки тибқи фарзияҳо ба 40 млн. доллар рақам зада мешаванд.
Охирин рақобати Геннадий 14 сентябри соли 2022 боз ҳам муқобили рақиби сарсахташ Саул Алварес баргузор гардид. Ин дидор рақобати сеюми муштзанон маҳсуб меёфт, ки бори аввал мусовӣ, бори дувум бо ғолибияти Саул хатм шуда буд.
Дар реванши охирон ҳам Саул ғалаба кард ва дар корномаи қазоқистонӣ ду омори бохт сабт гардид, ки ҳарду аз дасти Саул Алварес мебошад.
Геннадий баробари дастмузд аз бокс, инчунин аз ширкатҳои рекламадиҳандае ба мисли Эпел, Самсун ва Ҷордан ҳамасола то 2 млн. доллар фоида мебинад.
ҲАЁТИ ШАХСӢ
Ҳаёти шахсии ин муштзани шуҳратёр аз рӯзноманигорони кунҷков ба таври ҷиддӣ ҳимоя шуда, маълумотҳо дар бораи ӯ дар расонаҳо хеле кам пайдо мешаванд. Геннадий Головкин талош мекунад, ки маълумотҳои марбут ба ҳаёти оилавиашро пешкаши ҷомеа насозад, валекин дӯстиашро бо Ронда Роузии амрикоӣ махфӣ нигоҳ намедорад. Ронда қаҳрамони собиқи UFC миёни бонувон дар вазни сабуктарин ва мухлиси ашаддии Геннадий мебошад. Геннадий низ борҳо дар маҷрои касбӣ ба Ронда изҳори муҳаббат кардааст.
Геннадий бо завҷааш Алина Головкина ҳанӯз соли 2000-ум шинос шуда, танҳо баъди ҳафт сол оиладор шуданд. Ин ҷуфт бо писарашон – Вадим дар Лос-Анҷелес ба сар мебурданд. Моҳи сетябри соли 2017 дар оилаи Геннадий Головкин рӯйдоди навбатии хурсандиоваре ба миён омад. Ҷуфти муносиб бори дуюм фарзанддор ва соҳиби духтар шуданд. Тибқи гуфтаи варзишгар шуғли дӯстдоштаи ӯ ҳамроҳи оила будану лаззат бурдан аз муошират бо онҳост. Айни ҳол варзишгар дар Лос Анҷелес ҳамроҳи хонаводааш зиндагӣ мекунад.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед