Тими мунтахаби ҷавонони кишвар 20 октябр дар доираи бозиҳои марҳилаи гурӯҳии Чемпионати Осиё-2018 дастаи ҷавонони Чинро мағлуб намуда, (1:0) се имтиёзро соҳиб шудаанд.

Ягона голи дидорро Шарафҷон Солеҳов дар дақиқаи 77-ум ба самар расонид.

Баъди ин пирӯзӣ шогирдони Мубин Эргашев бо се имтиёз дар зинаи дуюми ҷадвали гурӯҳи "D" мавқеъ гирифт.

Дар бозии дигари гурӯҳи мазкур мунтахабҳои Арабистони Саудӣ ва Малайзия андари майдон шуданд ва арабҳо бо ҳисоби 2:1 ҳарифашонро шикаст доданд.
  
Ҷавонони Тоҷикистон дар даври дуюм - 23 октябр муқобили тими миллии Малайзия рақобат мекунад.