Дар маркази ноҳияи Ашт шаҳраки Шайдон бахшида ба Рӯзи ҷавонон Дави миллӣ доир гардид.

Дар Дави миллӣ Зариф Мирдадо, раиси ноҳия, роҳбарони корхонаву ташкилотҳо, сокинони ноҳия, хусусан ҷавонону наврасон дар умум  зиёда аз 3 ҳазор нафар фаъолона иштирок намуданд.

Дави миллӣ аз назди даромадгоҳи Ҷамоати шаҳраки Шайдон то назди бинои мақомоти иҷроияи ҳокимияти давлатии ноҳия ҷараён гирифт.

Тавре Ҷамшед Насриддинов, мудири Бахши кор бо ҷавонон ва варзиши ноҳия иттилоъ дод, дар ин рӯз дар тамоми ҷамоатҳои ноҳия низ Дави миллӣ баргузор гардида, дар он беш 18 230 нафар сокинони ноҳия иштирок карданд.