ВАРЗИШ
Шанбе 06 Июн 2026 03:23
25 август дар Маҷмааи варзишии шаҳри Хоруғ даври ниҳоии варзишӣ аз намуди барои дарёфти "Ҷоми раиси ВМКБ" ҷамъбаст гардид.
Мусобиқаи мазкур аз 20 август оғоз гардида, дар он 6 даста аз вилоятҳои Суғду Хатлон, шаҳри Душанбе, ноҳияҳои тобеи марказ ва ВМКБ иштирок намуданд.
Сабқат бо ибтикори Мақомоти иҷроияи ҳокимияти давлатии Вилояти Мухтори Кӯҳистони Бадахшон ва дастгирии ширкати мобилии "МегаФон Тоҷикистон" роҳандозӣ шуда, мухлисони зиёди ин намуди варзишро ба ҳам овард.
Раиси ВМКБ ва ҳамзамон раиси Федератсияи волейболи вилоят дар фароварди мусобиқа ҳозиринро ба ифтихори фарорасии 34-умин солгарди Истиқлоли давлатии Ҷумҳурии Тоҷикистон табрик гуфт.
Зикр шуд, ки волейбол дар вилоят таърихи худро дошта, волейболбозони вилоят пеш аз замони соҳибистиқлолӣ дар ҳайати тими мунтахаби Тоҷикистон муваффақона баромад намуда, аз байни онҳо устодони варзиши умумииттифоқӣ ба воя расиданд. Тими занонаи вилоят бошад, солҳои сол дар замони нави давлатдории миллиямон мақоми аввалро дар Ватан касб менамояд. Аз ин рӯ, МИҲД-и ВМКБ дар ин заминаи устувори варзишӣ кӯшиш менамояд, ки волейбол чун пештара ба сифати яке аз намудҳои маъмул рушд намояд ва волейболбозони вилоят на танҳо дар ҷумҳурӣ, балки берун аз он ҳам ҳунари воло нишон диҳанд.
Дар ниҳояти мусобиқа барои ишғоли ҷойи сеюм дастаҳои ВМКБ-2 ва Хатлон бо ҳам рақобат намуда, дастаи ВМКБ -2 зинаи сеюмро ишғол намуд.
Дар вохӯрии ниҳоӣ рақобати шадид барои дарёфти “Ҷоми раиси ВМКБ” байни дастаҳои Душанбе - 1 ва ВМКБ - 1 ҷараён гирифта, бо ҳисобӣ 3 бар 0 ғолибият насиби дастаи ВМКБ -1 гардид.
Сипас, дар фазои тантанавӣ ғолибон бо ифтихорнома, медал, “Ҷоми раиси ВМКБ” сарфароз гардиданд. Барои ҷойи якум, 15 000 сомонӣ, мақоми дуюм 10 000 сомонӣ ва зинаи сеюм 5 000 сомонӣ супорида шуд.
С. ҶАНОБИЛШОЕВ, “ҶТ”
Мусобиқаи мазкур аз 20 август оғоз гардида, дар он 6 даста аз вилоятҳои Суғду Хатлон, шаҳри Душанбе, ноҳияҳои тобеи марказ ва ВМКБ иштирок намуданд.
Сабқат бо ибтикори Мақомоти иҷроияи ҳокимияти давлатии Вилояти Мухтори Кӯҳистони Бадахшон ва дастгирии ширкати мобилии "МегаФон Тоҷикистон" роҳандозӣ шуда, мухлисони зиёди ин намуди варзишро ба ҳам овард.
Раиси ВМКБ ва ҳамзамон раиси Федератсияи волейболи вилоят дар фароварди мусобиқа ҳозиринро ба ифтихори фарорасии 34-умин солгарди Истиқлоли давлатии Ҷумҳурии Тоҷикистон табрик гуфт.
Зикр шуд, ки волейбол дар вилоят таърихи худро дошта, волейболбозони вилоят пеш аз замони соҳибистиқлолӣ дар ҳайати тими мунтахаби Тоҷикистон муваффақона баромад намуда, аз байни онҳо устодони варзиши умумииттифоқӣ ба воя расиданд. Тими занонаи вилоят бошад, солҳои сол дар замони нави давлатдории миллиямон мақоми аввалро дар Ватан касб менамояд. Аз ин рӯ, МИҲД-и ВМКБ дар ин заминаи устувори варзишӣ кӯшиш менамояд, ки волейбол чун пештара ба сифати яке аз намудҳои маъмул рушд намояд ва волейболбозони вилоят на танҳо дар ҷумҳурӣ, балки берун аз он ҳам ҳунари воло нишон диҳанд.
Дар ниҳояти мусобиқа барои ишғоли ҷойи сеюм дастаҳои ВМКБ-2 ва Хатлон бо ҳам рақобат намуда, дастаи ВМКБ -2 зинаи сеюмро ишғол намуд.
Дар вохӯрии ниҳоӣ рақобати шадид барои дарёфти “Ҷоми раиси ВМКБ” байни дастаҳои Душанбе - 1 ва ВМКБ - 1 ҷараён гирифта, бо ҳисобӣ 3 бар 0 ғолибият насиби дастаи ВМКБ -1 гардид.
Сипас, дар фазои тантанавӣ ғолибон бо ифтихорнома, медал, “Ҷоми раиси ВМКБ” сарфароз гардиданд. Барои ҷойи якум, 15 000 сомонӣ, мақоми дуюм 10 000 сомонӣ ва зинаи сеюм 5 000 сомонӣ супорида шуд.
С. ҶАНОБИЛШОЕВ, “ҶТ”
Хабарҳои дигар
Рӯзнома
Эзоҳи худро нависед