Паҳлавони тоҷик Абдулмаҷид Кудиев (65 кг) дар 6-умин Бозиҳои ҳамбастагии исломӣ ба гирифтани медали нуқра шарафёб гардид.

Дар финали мусобиқа Кудиев аз Раҳмон Амузод бо ҳисоби 12:2 шикаст хӯрда, соҳиби нишони нуқра шуд.

Ёдовар мешавем, ки ин медали сеюми нуқраи Тоҷикистон дар 6-умин Бозиҳои ҳамбастагии исломӣ мебошад.

Бояд гуфт, ки бо шумули медали Кудиев то ба имрӯз Тоҷикистон дар ин бозиҳо соҳиби 6 медал гардидааст, яъне се нишони нуқра ва се нишони биринҷӣ. Чор медали аввалро ҷудочиён ба даст оварда буданд, вале панҷумин медал, ки хеле арзишманд аст, аз ҷониби варзишгари ҷавон, Саъдӣ Исмоилов аз рӯйи тенниси рӯйи миз ба даст омад. Ин натиҷа аҳамияти бузург дорад, зеро дар ин намуди варзиш Тоҷикистон солҳои зиёд медалҳои сатҳи байналмилалӣ нагирифта буд.

Яҳё МАҲМАДНАБИЕВ, “ҶТ”