Аҳтам Абдуллозода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, санаи 13 июл, дар шаҳраки Меҳрони ноҳияи Кӯҳистони Мастчоҳ аз толори варзишӣ ва майдончаи варзишии ноҳия дидан намуда, бо варзишгарон ва мураббиёну масъулини соҳаи варзиш суҳбати озод намуданд. 

Зимни суҳбат гуфта шуд, ки дар ноҳия 29 майдончаи варзишӣ, 5 толори варзишӣ фаъолият дорад. Дар ноҳия зиёда аз 510 нафар наврасону ҷавонон ба варзиш машғул буда, ба онҳо 14 нафар мураббиён аз рӯи риштаҳои гуногуни варзиш таълим медиҳанд. Дастаи мунтахаби ноҳия аз рӯи риштаҳои гуногуни варзиш пайваста дар мусобиқаҳои сатҳи вилоятӣ ва ҷумҳуриявӣ иштирок менамоянд. 
Дар охир аз ҷониби Кумитаи кор бо ҷавонон ва варзиш ба варзишгарон як қатор лавозимотҳои варзишӣ тақдим гардид.