Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҷиҳати расонидани муҳтавои нуктаҳои Паёми Президенти ҷумҳурӣ муҳтарам Эмомалӣ Раҳмон дар толори маҷлисгоҳи корхонаи “Сементи тоҷик” бо кормандони корхона вохӯрии судманд доир гардид.

Дар мулоқот намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон , намоянда аз ҲХДТ дар ноҳияи Сино ва муовини директори “Сементи тоҷик” иштироку суханронӣ намуданд.

Зимни баромадҳо гуфта шуд, ки мақсад аз баргузории вохӯрӣ ин фаҳмонидани нуқтаҳои муҳими Паёми Пешвои миллат баҳри дар якҷоягӣ амалӣ намудани ҳадафҳои Ҳукумати ҷумҳурӣ ва барои ободиву созандагӣ, пешрафти шароити зиндагӣ, пойдориву устувории Истиқлолияти давлатӣ, инчунин иттиҳодиву иттифоқии ҷомеа, саноаткунони кишвар ва расидан ба ҳадафҳои стратегӣ мебошад.