Дар Гимназияи ба номи академик Бобоҷон Ғафурови шаҳри Гулистон вохӯрии гурӯҳи кории мақомоти иҷроияи ҳокимияти давлатии шаҳр, намояндагони ташкилотҳои ҷамъиятӣ ва мақомоти қудратӣ бо хонандагону омӯзгорони ин таълимгоҳ доир гардид.

Дар мулоқот масъалаҳои пешгирии ҷинояткорӣ ва ҳуқуқвайрфонкунӣ дар байни наврасону ҷавонон, шомилшавии онҳо ба аҳзобу ҳаракатҳои ифтротгаро, зуҳуроти номатлуб дар ҷомеа, масъулияти волидайн ва фарзандон, тарғиби тарзи ҳаёти солим, интихоби касби дӯстдошта мавриди таҳлил қарор гирифтанд.

Таъкид шуд, ки ҷавонӣ замони сохтани худ аст. Наврасону ҷавонон бояд аз ин айём самаранок истифода намоянду бо аз худ кардани илму дониш ояндаи худро созанд.