Мирзонабот Алишер Худобердӣ, раиси ВМКБ зимни нишасти хабарӣ зикр кард, ки дар нимсолаи аввали соли 2025-ум 17 921 нафар сайёҳ аз шаҳру ноҳияҳои вилоят дидан намуданд. Аз инҳо 11 216 нафар сайёҳӣ дохилӣ ва 6 705 нафар сайёҳи хориҷӣ мебошанд, ки нисбати ҳамин давраи соли гузашта ду баробар зиёд мебошад.

Бино ба гуфти раиси вилоят даромад аз ҳисоби хизматрасонӣ ба ҷаҳонгардон маблағи 17,9 млн сомониро ташкил додааст. Дар вилоят 830 иншооти соҳаи сайёҳӣ, аз ҷумла, 115 меҳмонхона, 254 тарабхона, 461 нуқтаи хизматрасонӣ, инчунин, 345 ёдгории таърихӣ ва мавзеъҳои тамошобоб барои сайёҳон хизматрасонӣ мекунанд

Дар идома гуфта шуд, ки шумораи ҷавонон 80 516 нафар буда, 41 062 нафарро духтарон ташкил медиҳанд. Дар ин давра як адад толор ва 10 майдончаи варзишӣ сохта ба истифода дода шудааст. Ҷавонони вилоят бошанд, дар 50 мусобиқаи варзишии ҷумҳуриявӣ ва байналмилалӣ иштирок намуда, сазовори 129 медал, аз ҷумла, 32 медали тилло, 46 медали нуқра ва 51 медали биринҷӣ гардиданд, ки ин нишондод нисбат ба ҳамин давраи соли гузашта 7 медали тилло, 16 медали нуқра ва 19 медали биринҷӣ зиёд мебошад.

Роҷеъ ба вазъи ҷинояткорӣ таъкид шуд, ки ҷинояткорӣ тамоюли коҳишёбӣ дошта, дар ҳудуди вилоят дар маҷмуъ 415 ҷиноят ба қайд гирифта шудааст, ки нисбат ба нимсолаи аввали соли гузашта 107 ҷиноят ё худ 20,4 фоиз кам гардидааст.

С. ҶАНОБИЛШОЕВ, “ҶТ”