Дар доираи нақшаи чорабиниҳои Мақомоти иҷроияи ҳокимияти давлатии Вилояти Мухтори Кӯҳистони Бадахшон бахшида ба Рӯзи Парчами давлатии Ҷумҳурии Тоҷикистон мусобиқаи варзишӣ аз намуди футболи хурд барои дарёфти “Ҷоми раиси ВМКБ” доир гардид.

Дар он 14 даста аз мақомоти иҷроияи ҳокимияти давлатӣ, идораю муассисаҳо, сохторҳои қудратӣ ва мақомоти ҳифзи ҳуқуқ байни ҳам рақобат намуданд.

Дар бозии ниҳоӣ, ки байни дастаҳои РВКД дар ВМКБ ва мақомоти иҷроияи ҳокимияти давлатии ноҳия Роштқалъа баргузор гардид, ки дастаи РВКД пирӯз гардида, “Ҷоми раиси ВМКБ” –ро ба даст овард.

Футболбозони ноҳияи Роштқалъа зинаи дуюмро касб намуда, дастаи ноҳияи Шуғнон сазовори ҷойи 3 гардиданд. Ғолибони зинаҳои ифтихорӣ чунин қадрдонӣ шуданд:

Ҷойи якум: 10 000 сомонӣ;
Ҷойи дуюм: 5000 сомонӣ;
Ҷойи сеюм: 3000 сомонӣ.

Ҳамзамон, барои ғолиби асосии мусобиқа як қутос низ тақдим гардид. Инчунин, дар вазъияти тантанавӣ беҳтарин бозингар, ҳамлагар ва дарвозабон бо ифтихорномаи раиси вилоят қадр карда шуданд.

Садоншо ҶАНОБИЛШОЕВ, “ҶТ”