Дар ҷумҳурӣ соли 2024 нисбат ба соли 2023 бақайдгирии таваллуд 4,8 фоиз зиёд шудааст.

Дар ин бора Ҷамшед Нурмаҳмадзода, директори Агентии омори назди Президенти Ҷумҳурии Тоҷикистон 12 феврал зимни нишасти матбуотӣ хабар дод.

Номбурда ҳамчунин изҳор дошт, ки дар ВМКБ зиёдшавии бақайдгирии таваллуд 2,0 фоиз, дар вилояти Хатлон 3,3 фоиз, дар вилояти Суғд 3,7 фоиз, дар ноҳияҳои тобеи ҷумҳурӣ 7,0 фоиз ва дар шаҳри Душанбе 9,9 фоизро ташкил намудааст.

- Афзоиши табиии аҳолӣ аз рӯи маълумоти пешакӣ дар моҳҳои январ - декабри соли 2024 нисбат ба ҳамин давраи соли 2023 ба андозаи 5,4 фоиз зиёд шуда, 21,0 нафар ба 1000 нафар аҳолиро ташкил дод. Хотиррасон бояд намуд, ки то 1 январи соли 2025 шумораи аҳолии Ҷумҳурии Тоҷикистон ба 10 миллиону 488 ҳазор нафар баробар шудааст, - илова намуд директори Агентӣ.

Наҷиба МУРОДБЕКОВА, "ҶТ"