Дар Донишкадаи идоракунии давлатии назди Президенти Ҷумҳурии Тоҷикистон бахшида ба Рӯзи Ғалаба чорабинӣ баргузор гардид.
 
Нахуст Ғафурзода Абдухалил Давлаталӣ, ректори донишкада  чорабиниро ифтитоҳ намуда, иброз дошт, ки Ҷанги Бузурги Ватанӣ воқеаи мудҳиштарини асри ХХ маҳсуб ёфта, дар ин ҷанг дар баробари дигар халқу миллатҳо ҳазорҳо ҷавонмарди тоҷик бар зидди  фашист мубориза бурдаанд.  Шуҷоату диловарӣ ва истодагарии фарзандони ватандӯсту ватанхоҳи мо дар солҳои ҶБВ намунаи олии муҳаббат ба Ватан ва дарси ибрати ҷавонмардӣ барои наслҳои имрӯзу фардои кишвар аст.
   
Гуфта шуд, ки дар ин ҷанг аз Тоҷикистон 270 000 ё тақрибан панҷяки аҳолии вақти ҷумҳурӣ ширкат карда, қариб 90 ҳазори онҳо дар он кушта шуданд. Ҳамчунин, 54 шаҳрванди  Тоҷикистон дар ин набардҳо ба унвони олии Қаҳрамони Иттиҳоди Шӯравӣ даст ёфтаанд.
  
Ҷамъомади идонаро барномаи рангини ҳунарии донишҷӯён ва суруд дар васфи Ватан, саҳнача аз ҳаёти ҷавонмардони тоҷик дар ҶБВ ҳусни хотима бахшид.