Дар МД “Маҷмааи фарҳангию таърихии “Қалъаи Хуҷанд” сарбозонеро, ки бо сарбаландӣ хизмати ҳарбиро иҷро намуда, рухсат шуданд, ботантана истиқбол гирифтанд.

Дар маросими истиқболи сарбозон муовини раиси вилояти Суғд Исмоилзода Зуфар Муртазохон, сардори Раёсати кор бо ҷавонон ва варзиши вилояти Суғд Исматзода Бахтиёр иштирок ва суханронӣ намуданд.

Тибқи иттилои масъулин, чорабинии мазкур дар доираи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Қувваҳои ҳарбӣ-ҳавоӣ ва мудофиаи зиддиҳавоии Қувваҳои Мусаллаҳи Ҷумҳурии Тоҷикистон роҳандозӣ шудааст.

Гуфта шуд, ки хизмат дар сафи Қувваҳои Мусаллаҳ мактаби шуҷоату мардонагӣ ва сабақи зиндагӣ буда, ҷавонон зимни хизмати ҳарбӣ руҳану ҷисман обутоб меёбанд.

Истиқболи сарбозон дар чунин сатҳ дар ниҳоди насли ҷавон ҳисси ватандӯстӣ ва ифтихори миллиро дучанд месозад.

Субҳиддин ҚОДИРОВ, “ҶТ”