Имрӯз - 4 феврал зимни маросими ҷоизасупории соҳаи кор бо ҷавонон дар соли 2024 ба Шодихони Назар, сармуҳаррири рӯзномаи “Ҷавонони Тоҷикистон” медали“Шуҷоат ва ҷавонмардӣ” тақдим карда шуд.

Маросими ҷоизасупории соҳаи кор бо ҷавонон дар соли 2024 дар бинои Филармонияи давлатии Тоҷикистон ба номи Акашариф Ҷӯраев ҷараён гирифта, медалро ба Шодихони Назар, Абдулло Раҳмонзода, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа ва Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон тақдим карданд.

Ёдовар мешавем, ки медали “Шуҷоат ва ҷавонмардӣ” ҳамасола барои афсарону сарбозони шуҷои ватан, инчунин нафароне, ки дар роҳи Ватан хизматҳои софдилонаву содиқона мекунанд, тақдим мегардад.

“ҶТ”