Рӯзи дуюми форуми ҷавонони Тоҷикистону Қазоқистон, ки он аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон гузаронида шуда истодааст, оғоз гардид.

Бино ба иттилои бахши таҳлил ва иттилооти Кумита, субҳи имрӯз сараввал иштирокчиёни форуми мазкур пас аз гузоштани гулчанбар дар назди пайкараи Исмоили Сомонӣ дар меҳмонхонаи “Ҳаят Реҷенсӣ” кушодашавии маросими расмии форуми мазкур оғоз гардид.

Дар он сараввал Сайдулло Қувватзода - намояндаи Дастгоҳи иҷроияи Президенти Ҷумҳурии Тоҷикистон суханронӣ намуда, сипас Зулфиқор Гулаҳмадзода - раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз муҳим будани чорабинии мазкур гуфт.

Ба таъкиди масъулин ин форум ба рушди ҳамкорӣ дар оянда, мубодилаи афкор ва таҷрибаи ҷавонони фаъол, инчунин дарёфти роҳҳои ҳали масъалаҳои калидии сиёсати ҷавонон мусоидат менамояд.

Ҳадафҳои асосӣ ва вазифаҳои форум ба тақвияти ҳамкорӣ байни ташкилоти ҷавонони Тоҷикистон ва Қазоқистон, рушди сиёсати ҷавонон ва таҳияи стратегияҳои муштарак барои ҳалли мушкилоти мубрами ҷавонони ду давлат равона шудаанд.