Бахши кор бо ҷавонон ва варзиши ноҳияи Шуғнон дар қисму дидбонгоҳҳои ҳарбии ноҳия барои хонандагони мактабҳои таҳсилоти миёнаи умумӣ “Рӯзи дарҳои кушод” - ро баргузор намуд.

Чорабинии мазкур дар қисми ҳарбии 0410 - и Қушунҳои сарҳадии КДАМ дар ҷамоати Поршинев бо ширкати толибилмони мактабҳои №10, 11, 12, 13 ва 14 гузашта, инчунин миёни ҳайати шахсии сарбозони қисми низомӣ ва хонандагон мусобиқаҳои варзишӣ аз рӯи дастхобонӣ, турниккашӣ, ба қисмҳо ҷудо кардану ба тартиб даровардани яроқи оташфишон, вазнбардорӣ ва ғайра гузаронида шуд.

Ба иттилои Аҳмад Маҳмадбунаев чорабинӣ бо ҳадафи ҷалби ҷавонон ба хизмати Ватан - Модар, таҳкими ҳисси ватандӯстии наслҳо бо дастгирии Кумитаи кор бо ҷавонон ва варзиши назди Ҳукумати Ҷумҳурии Тоҷикистон рӯи кор омада, ғолибони мусобиқаҳо бо сипосномаву туҳфаҳои хотиравӣ сарафароз гаштанд.