Дар саҳни қасри фарҳанги ноҳияи Қубодиён озмуни ҷумҳуриявии “Нон шудам шоистаи ҳар хон шудам” доир гардида, зимни он сокинон аз намоиши маҳсулоти кишоварзии деҳқонон дидан намуданд.

Дар озмун ташкилоту муассисаҳо маҳсулотҳои худро ба намоиш гузоштанд. Сипас аз рӯйи хулосаи масъулон ғолибони озмуни мазкур ва пешқадамони соҳаи кишоварзӣ муайян карда шуда, аз ҷониби мақомоти иҷроияи ҳокимияти давлатии ноҳия бо сипоснома ва туҳфаҳои хотиравӣ сарфароз гардонида шуданд.

Барномаи ҷолиби консертии театрикунонидашудаи бахши фарҳанги ноҳия хотимабахши чорабинӣ гардид.