Дар толори “Кохи Ватан”-и шаҳри Бохтар бахшида ба Рӯзи байналмилалии ҳифзи кӯдакон намоиши молу маҳсулоти дасти кӯдакон ва чорабинии фарҳангӣ бо иштироки хонандагони фаъоли муассисаҳои таълимӣ ва муассисаҳои томактабӣ баргузор гардид. 

Исмоилзода Абдуалим Абдулазиз, раиси шаҳри Бохтар дар чорабинӣ баромад намуда, иброз дошт, ки “Ҷашн гирифтани Рӯзи байналмилалии ҳифзи кӯдакон ифодагари он аст, ки мо нисбат ба ҳаёти кўдакон бетафовут набуда, ояндаи кишварро аз ҳастии онҳо медонем. Дар ин рўзи фархунда ҳамаи кўдакони ҷаҳонро бо Рӯзи умумиҷаҳонии муҳофизати кўдакон табрику таҳният гуфта, ба ҳамаашон осмони софу беғубор, хушбахтӣ, хониши хубу аъло ва саломатии бардавомро орзу намоем”. 

Дар охир аз тарафи хонандагон барномаи фарҳангӣ пешкаши иштирокчиён гардонида шуд.