ҶОМЕА
Шанбе 13 Июл 2024 10:48
10450
Муовини раиси Думаи давлатии Русия Александр Бабаков рӯзи 17 июн ба хабаргузории “Известия” хабар дод, ки Департаменти давлатии ИМА барои муқобила бо нуфузи Русия дар Африқо муборизаи шадидро оғоз кардааст. Ӯ афзуд, ки мақомоти амрикоӣ аз талафоти геополитикии хеш дар кишварҳои африқоӣ сахт нигарон буда, бо ҳар восита мехоҳанд, нуфузи Русияро дар ин минтақа аз байн баранд.

Ҳамин тариқ, вай ба хабари дархости Департаменти давлатии ИМА аз Конгресс дар бораи маблағгузорӣ барои таъсиси Хазинаи мубориза бо таъсири зараровари Русия дар Африқо (CRMAA) дар охири моҳи май посух дод.

Бабаков хотиррасон кард, ки таърихи Африқо аз саҳифаҳои сиёҳе иборат аст, ки давлатҳои Аврупо ва Амрико сарзамин ва халқҳои ин қитъаро бераҳмона истисмор мекарданд.

“Имрӯз аз тарси он, ки қитъаи Африқо дар ҳамкорӣ бо Русия соҳибихтиёр ва дорои истиқлолияти ҳақиқӣ мегардад, Иёлоти Муттаҳида тасмим гирифт, ки ба маъракаи таблиғоти зидди Русия даҳҳо миллион доллари дигар ҷудо намояд. Барои ин ҳатто як хазинаи махсус таъсис дода шудааст. Рафтори онҳо бозгӯи он аст, ки Амрико аз дарк кардани талафоти геополитикии хеш дар қитъаи Африқо чун мӯйи дар оташ мепечад”, - гуфт ӯ дар бораи ташаббуси Департаменти давлатии Амрико.

Ба гуфтаи вай, ҷониби Русия метавонад ба чунин “ҳамлаҳои таблиғотии бемаънӣ” бо чораҳои воқеӣ - мусоидат дар ташаккули системаи соҳибихтиёрии молиявӣ дар Африқо посух диҳад.

“Русия метавонад ба кишварҳои африқоӣ барои ба даст овардани соҳибихтиёрии молиявӣ, аз ҷумла тавассути механизми эҷоди асъорҳои рақамии бонкҳои марказӣ кӯмак кунад. Экосистемаи нави пардохт бояд дар асоси технологияҳои инноватсионии молиявӣ таъсис дода шавад ва дороиҳо, технологияи blockchain ба роҳ монда шавад”, - гуфтааст Бабаков.

Пештар, рӯзи 8 июн намояндаи расмии Вазорати корҳои хориҷии Русия Мария Захарова ба хабаргузории “Известия” гуфта буд, ки дар масъалаҳои ҳамгироии Африқо ба сиёсати бузург, БРИКС ҳамеша барои ҳамкорӣ боз аст ва ба меъёрҳои муқарраршудаи сифат дар асоси баробарӣ ҷавобгӯ аст.

Ҳанӯз моҳи феврал сафорати Русия дар Иёлоти Муттаҳида изҳор дошт, ки Департаменти давлатӣ бо паҳн кардани иттиҳомоти беасос алайҳи Маскав кӯшиш мекунад, ки ҳақиқатро дар бораи нақшаҳои ифлоси Вашингтон дар Африқо пинҳон кунад. Тавре ки намояндагии дипломатии Русия қайд кардааст, бисёре аз сиёсатмадорони Иёлоти Муттаҳида аз бомуваффақият инкишоф додани ҳамкориҳои байни Федератсияи Русия ва кишварҳои Африқо сахт ба ташвиш омадаанд.

Яҳё МАҲМАДНАБИЕВ, “ҶТ”

Эзоҳи худро нависед



Рамзҳо дар расм