Имрӯз бахшида ба Рӯзи ҷаҳонии сайёҳӣ дар пойтахти кишвар - шаҳри Душанбе нахустин Намоишгоҳи байналмилалии сайёҳии Душанбе-2024 (Dushanbe International Tourism Exhibition – DITE 2024) оғоз шуд.

Тибқи маълумот, намоишгоҳ то 27 сентябр идома ёфта, сайёҳону меҳмонон аз гӯшаву канори шаҳри Душанбе дидан мекунанд.

Намоишгоҳ дар маркази Намоишгоҳи байналмилалии Душанбе (Dushanbe Expo) баргузор гардида, субъектҳои сайёҳии Тоҷикистон, бахусус шаҳри Душанбе, инчунин бародаршаҳрҳо ва шаҳрҳои шарики он, аз қабили ширкатҳои сайёҳӣ, ҳавопаймоӣ, меҳмонхонаву тарабхонаҳо, муассисаҳои табобативу солимгардонӣ, фарҳангиву таърихӣ ва фароғатӣ низ маҳсулот ва хизматрасонии худро муаррифӣ мекунанд.

Бояд изҳор дошт, ки намоишгоҳҳои бузурги сайёҳӣ дар аксар кишварҳои олам ҳамасола ташкил гардида, дар онҳо зиёда аз 5000 ширкати марбут ба соҳаи сайёҳӣ аз давлатҳои ҷаҳон иштирок ва маҳсулоташонро муаррифӣ менамоянд.

Шаҳодат ХОЛОВА, “ҶТ”