ҶОМЕА
Душанбе 01 Июн 2026 04:13
Артиши миллӣ ҳамчун яке аз рукнҳои асосии ҳифзи истиқлолият ва амнияти миллӣ дар ҳар як давлат аҳамияти бузург дорад. Дар Ҷумҳурии Тоҷикистон низ пас аз соҳибистиқлол гардидани кишвар нақши Президенти кишвар муҳтарам Эмомалӣ Раҳмон дар таъсису ташаккул ва рушди Артиши миллӣ хеле муҳим арзёбӣ мегардад. Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таҳкими Артиши миллӣ ва ҳифзи амнияти давлат саҳми арзанда гузоштааст.
18 - уми декабри соли 1992 аз ҷониби Раиси Шурои Олии Ҷумҳурии Тоҷикистон Эмомалӣ Раҳмон Қарор “Дар бораи таъсиси Қувваҳои Мусаллаҳи Ҷумҳурии Тоҷикистон” ба имзо расида, он дар заминаи “Фронти халқӣ” ва қувваҳое, ки Ҳукумати конститутсиониро ҷонибдорӣ мекарданд, таъсис дода шуд. Ҳамин тариқ, 23-юми феврали соли 1993 дар пойтахти кишвар шаҳри Душанбе бори нахуст паради ҳарбӣ баргузор гардид, ки он рӯз расман санаи таъсисёбии Қувваҳои Мусаллаҳи Ҷумҳурии Тоҷикистон эълон карда шуд.
ТАШАББУСИ ТАЪСИСИ АРТИШИ МИЛЛӢ
Коршиносон дар ин замина, нақши Президенти кишвар муҳтарам Эмомалӣ Раҳмонро дар пойдорӣ ва рушди Артиши миллӣ дар кишвар муҳим ва бориз арзёбӣ мекунанд.
Ба гуфтаи мутахассисони соҳа, аз ҷумла баъди ба даст овардани Истиқлоли давлатии Ҷумҳурии Тоҷикистон дар соли 1991 кишвар бо масъалаҳои зиёде рӯ ба рӯ гардид. Яке аз мушкилиҳои асосӣ набудани неруҳои низомии миллӣ дар кишвар буд, ки амнияти давлат ва мардумро таъмин созад. Бо вуҷуди душвориҳои зиёде, ки ба давраи аввали соҳибистиқлолӣ рост меоянд, Президенти Ҷумҳурии Тоҷикистон ташаббуси таъсиси Артиши миллиро ба роҳ монданд.
Ба таъкиди Мирзо Ашӯров, сармутахассиси Раёсати таҳлил ва ояндабинии сиёсати дохилии Маркази тадқиқоти стратегии назди Президенти Ҷумҳурии Тоҷикистон дар солҳои ҷанги шаҳрвандӣ яке аз вазифаҳои муҳимтарини давлатсозӣ таъмини амният, манфиатҳои давлату миллат ва таъсиси Қувваҳои Мусаллаҳ ба шумор мерафт, ки онро Президенти кишвар муҳтарам Эмомалӣ Раҳмон бароварда намуд.
Бо вуҷуди вазъи мураккаби иқтисодӣ ва сиёсӣ, Ҳукумати кишвар зери роҳбарии Президент тавонист заминаҳои ҳуқуқӣ ва моддии таъсиси неруҳои мусаллаҳи кишварро фароҳам созад.
- Бо дарки муҳиммияти масъала Ҳукумати Ҷумҳурии Тоҷикистон таҳти роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри ноил шудан ба ин мақсад тадбирҳои зарурӣ андешида, таъсиси Қувваҳои Мусаллаҳи Ҷумҳурии Тоҷикистонро дар шароити вазнини ҷанги шаҳрвандӣ ба анҷом расониданд, -иброз дошт номбурда.
Ҳамзамон, Ашӯров иброз менамояд, ки айни замон имконияту шароитҳо дар Қувваҳои Мусаллаҳи Ҷумҳурии Тоҷикистон беҳтару хубтар гардида, дар қисму воҳидҳои он ҳазорон нафар ҷавонони шуҷоъ ва далери кишварамон хизмати ҳарбиро сарбаландона ба ҷо оварда истода, садоқати худро ба Ватан ва Пешвои миллат муҳтарам Эмомалӣ Раҳмон нишон медиҳанд.
- Бо шарофати сулҳу субот ва сиёсати оқилонаву хирадмандона ва бунёдкоронаву созандаи Президенти Ҷумҳурии Тоҷикистон муҳтарам Эмомалӣ Раҳмон вазъи рӯзгори мардуми шарифи мо бамаротиб беҳтару хубтар гардидааст,- илова намуд ӯ.
Ҳамзамон Ашӯров мегӯяд, ки ҳар як фарди солимфикри ҷомеаи кишварамон хуб медонад, комёбӣ ва дастовардҳои бузурги халқу миллат ва давлатамон осон ба даст наомада, дар роҳи пуршебу фарози расидан ба сулҳу суботу осоиштагӣ халқи моро қурбониҳои зиёд пеш омад.
- Барои ба ин рӯзи пурсаодат ва хушию хуррамӣ расидан, саҳми Қувваҳои Мусаллаҳи Ҷумҳурии Тоҷикистон бениҳоят бузург аст, - гуфт ӯ.
РУШДИ ВАТАНДӮСТӢ ДАР СУХАНРОНИҲОИ ПЕШВОИ МИЛЛАТ
Президенти Ҷумҳурии Тоҷикистон дар Паёму суханрониҳояшон ҳамеша таъкид менамоянд, ки Қувваҳои Мусаллаҳ бояд на танҳо аз ҷиҳати техникӣ омода бошанд, балки дорои мафкураи баланди ватандӯстӣ ва масъулиятшиносӣ бошанд.
Бештари суханрониҳои Пешвои миллат дар назди хизматчиёни ҳарбӣ аксаран ба баланд бардоштани руҳияи миллӣ ва худшиносӣ равона гардидаанд.
Дар баробари ин, Сарвари давлат ҳамеша дар суханрониҳояшон таъкид менамоянд, ки мутахассисони баландихтисос асоси неруҳои мусаллаҳи кишвар ҳастанд ва бо дастгириву роҳнамоиҳояшон садҳо ҷавон дар дохил ва хориҷи кишвар дар муассисаҳои таълимии ҳарбӣ таҳсил карда, таҷриба мегирад.
Имрӯз дар сафи Қувваҳои Мусаллаҳ 80 фоиз афсарон хизмат мекунанд, ки хатмкардагони донишкада ва академияҳои ҳарбӣ мебошанд.
Инчунин, адои хизмат дар сафи Қувваҳои Мусаллаҳи кишварро Президенти кишвар муҳим арзёбӣ намуда, таъкид менамоянд, ки: “Адои хизмат дар сафи Артиши миллӣ на танҳо қарзи муқаддаси фарзандӣ, балки мояи ифтихор ва шарафи бузург буда, хизмати ҳарбӣ ба ҳар як ҷавонмард ҳамчун мактаби ҷасорату матонат, дӯстиву рафоқат, худогоҳиву меҳанпарастӣ хизмат мекунад”.
- Дар ин раванд, мо ба муҳайё намудани шароити зарурӣ барои хизмат ва зиндагии хизматчиёни ҳарбӣ, инчунин, баланд бардоштани сатҳи ҳифзи иҷтимоии онҳо аҳаммияти аввалиндараҷа медиҳем, - гуфтаанд Пешвои миллат.
Инчунин, Сарвари давлат аз афсарону сарбозони Қувваҳои Мусаллаҳи кишвар изҳори қаноатмандӣ намуда, борҳо иброз медоранд, ки онҳо вазифаи худро сарбаландона иҷро менамоянд.
- Имрӯз мо метавонем бо ифтихору қаноатмандӣ иброз намоем, ки афсарону сарбозони Қувваҳои Мусаллаҳ аз бисёр имтиҳону озмоишҳои сахту сангин бо сари баланд гузашта, рисолати хизмативу касбии худро бошарафона иҷро карданд ва Артиши миллии мо ҳоло ба як сохтори воқеан боэътимод ва муназзаму муосири давлати соҳибистиқлоли Тоҷикистон табдил ёфтааст, - зикр кардаанд Пешвои миллат.
САҲМИ ПРЕЗИДЕНТ ДАР ТАҲКИМИ ИҚТИДОРИ МУДОФИАВИИ КИШВАР
Нақши Президенти кишвар инчунин дар таҳкими иқтидори мудофиавии Ҷумҳурии Тоҷикистон бориз ҳисобида мешавад.
- Дар солҳои соҳибистиқлолӣ Президенти Ҷумҳурии Тоҷикистон барои ташаккули артиши касбӣ, заминаҳои моддӣ ва техникӣ, инчунин баланд бардоштани сатҳи омодагии ҷангии хизматчиёни ҳарбӣ чораҳои зиёдеро роҳандозӣ намуданд, - зикр намуд Зубайдулло Орифов, коршиноси тоҷик.
Ба гуфтаи ӯ, давоми солҳои истиқлолият бо ташаббуси Президенти кишвар муҳтарам Эмомалӣ Раҳмон пойгоҳҳои низомӣ, қисмҳои ҳарбӣ ва марказҳои таълимии муосир бун-ёд карда шуданд. Ҳар сол садҳо иншооти низомӣ, аз ҷумла мактабҳои ҳарбӣ ва марказҳои омӯзишӣ бо технологияи навтарин муҷаҳҳаз мегарданд.
- Таҷҳизоти низомӣ ва воситаҳои ҷангӣ, ки Артиши миллӣ истифода мебарад, пайваста бо дастгириҳои Сарвари давлат такмил меёбанд. Бо шарофати ҳамкориҳои байналмилалӣ ва шарикӣ бо кишварҳои дӯст, Тоҷикистон тавонист силоҳ ва техникаҳои муосирро ба низоми худ ворид кунад, - илова намуд мавсуф.
ТАВАҶҶУҲ БА ШАРОИТИ ИҶТИМОИИ ХИЗМАТЧИЁНИ ҲАРБӢ
Инчунин, коршиносон ба он назаранд, ки Президенти кишвар муҳтарам Эмомалӣ Раҳмон дар баробари рушди иқтидори мудофиавии кишвар ба беҳтар намудани шароити иҷтимоии хизматчиёни ҳарбӣ низ таваҷҷуҳи хосса зоҳир менамоянд.
Ба гуфтаи Зубайдулло Орифов, имрӯз бо дастгирии Президент садҳо хона барои хизматчиёни ҳарбӣ бунёд ва тақдим карда шудааст, ки ин иқдом на танҳо шароити зиндагии хизматчиёнро беҳтар намуд, балки онҳоро барои адои хизмати содиқона ҳавасманд гардонидааст.
- Инчунин, солҳои охир, маоши хизматчиёни ҳарбӣ пайваста афзоиш ёфтааст. Илова бар ин, ба онҳо як қатор имтиёзҳо, аз ҷумла дастрасӣ ба таҳсилоти ройгон барои фарзандонашон ва хизматрасониҳои тиббӣ фароҳам оварда шудааст, - гуфт ӯ.
Ӯ илова намуд, ки Президенти кишвар ба собиқадорони ҷангу хизматчиёни ҳарбӣ низ таваҷҷуҳи хосса зоҳир менамоянд. Барномаҳои дастгирии иҷтимоӣ барои ин гурӯҳҳо таҳия шуда, бо шарофати ин ташаббусҳо садҳо собиқадор аз дастгириҳои давлатӣ бархӯрдор шудаанд. Президенти Ҷумҳурии Тоҷикистон муҳтарам Эмомалӣ Раҳмон тавонистанд Артиши миллии Тоҷикистонро ба як неруи тавоно ва замонавӣ табдил диҳанд.
- Артиши миллӣ имрӯз на танҳо кафили амнияти давлат, балки нишонаи ифтихори миллӣ ва дастоварди истиқлолияти кишвар мебошад. Саҳми Президенти Ҷумҳурии Тоҷикистон дар рушди ин сохтор бори дигар нишон медиҳад, ки сарварии устувор ва дурбинона метавонад, ба пешрафти як давлат ва ҳифзи манфиатҳои миллии он мусоидат намояд, - гуфт Зубайдулло Орифов.
Фарзонаи УМАРАЛӢ, “ҶТ”
18 - уми декабри соли 1992 аз ҷониби Раиси Шурои Олии Ҷумҳурии Тоҷикистон Эмомалӣ Раҳмон Қарор “Дар бораи таъсиси Қувваҳои Мусаллаҳи Ҷумҳурии Тоҷикистон” ба имзо расида, он дар заминаи “Фронти халқӣ” ва қувваҳое, ки Ҳукумати конститутсиониро ҷонибдорӣ мекарданд, таъсис дода шуд. Ҳамин тариқ, 23-юми феврали соли 1993 дар пойтахти кишвар шаҳри Душанбе бори нахуст паради ҳарбӣ баргузор гардид, ки он рӯз расман санаи таъсисёбии Қувваҳои Мусаллаҳи Ҷумҳурии Тоҷикистон эълон карда шуд.
ТАШАББУСИ ТАЪСИСИ АРТИШИ МИЛЛӢ
Коршиносон дар ин замина, нақши Президенти кишвар муҳтарам Эмомалӣ Раҳмонро дар пойдорӣ ва рушди Артиши миллӣ дар кишвар муҳим ва бориз арзёбӣ мекунанд.
Ба гуфтаи мутахассисони соҳа, аз ҷумла баъди ба даст овардани Истиқлоли давлатии Ҷумҳурии Тоҷикистон дар соли 1991 кишвар бо масъалаҳои зиёде рӯ ба рӯ гардид. Яке аз мушкилиҳои асосӣ набудани неруҳои низомии миллӣ дар кишвар буд, ки амнияти давлат ва мардумро таъмин созад. Бо вуҷуди душвориҳои зиёде, ки ба давраи аввали соҳибистиқлолӣ рост меоянд, Президенти Ҷумҳурии Тоҷикистон ташаббуси таъсиси Артиши миллиро ба роҳ монданд.
Ба таъкиди Мирзо Ашӯров, сармутахассиси Раёсати таҳлил ва ояндабинии сиёсати дохилии Маркази тадқиқоти стратегии назди Президенти Ҷумҳурии Тоҷикистон дар солҳои ҷанги шаҳрвандӣ яке аз вазифаҳои муҳимтарини давлатсозӣ таъмини амният, манфиатҳои давлату миллат ва таъсиси Қувваҳои Мусаллаҳ ба шумор мерафт, ки онро Президенти кишвар муҳтарам Эмомалӣ Раҳмон бароварда намуд.
Бо вуҷуди вазъи мураккаби иқтисодӣ ва сиёсӣ, Ҳукумати кишвар зери роҳбарии Президент тавонист заминаҳои ҳуқуқӣ ва моддии таъсиси неруҳои мусаллаҳи кишварро фароҳам созад.
- Бо дарки муҳиммияти масъала Ҳукумати Ҷумҳурии Тоҷикистон таҳти роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри ноил шудан ба ин мақсад тадбирҳои зарурӣ андешида, таъсиси Қувваҳои Мусаллаҳи Ҷумҳурии Тоҷикистонро дар шароити вазнини ҷанги шаҳрвандӣ ба анҷом расониданд, -иброз дошт номбурда.
Ҳамзамон, Ашӯров иброз менамояд, ки айни замон имконияту шароитҳо дар Қувваҳои Мусаллаҳи Ҷумҳурии Тоҷикистон беҳтару хубтар гардида, дар қисму воҳидҳои он ҳазорон нафар ҷавонони шуҷоъ ва далери кишварамон хизмати ҳарбиро сарбаландона ба ҷо оварда истода, садоқати худро ба Ватан ва Пешвои миллат муҳтарам Эмомалӣ Раҳмон нишон медиҳанд.
- Бо шарофати сулҳу субот ва сиёсати оқилонаву хирадмандона ва бунёдкоронаву созандаи Президенти Ҷумҳурии Тоҷикистон муҳтарам Эмомалӣ Раҳмон вазъи рӯзгори мардуми шарифи мо бамаротиб беҳтару хубтар гардидааст,- илова намуд ӯ.
Ҳамзамон Ашӯров мегӯяд, ки ҳар як фарди солимфикри ҷомеаи кишварамон хуб медонад, комёбӣ ва дастовардҳои бузурги халқу миллат ва давлатамон осон ба даст наомада, дар роҳи пуршебу фарози расидан ба сулҳу суботу осоиштагӣ халқи моро қурбониҳои зиёд пеш омад.
- Барои ба ин рӯзи пурсаодат ва хушию хуррамӣ расидан, саҳми Қувваҳои Мусаллаҳи Ҷумҳурии Тоҷикистон бениҳоят бузург аст, - гуфт ӯ.
РУШДИ ВАТАНДӮСТӢ ДАР СУХАНРОНИҲОИ ПЕШВОИ МИЛЛАТ
Президенти Ҷумҳурии Тоҷикистон дар Паёму суханрониҳояшон ҳамеша таъкид менамоянд, ки Қувваҳои Мусаллаҳ бояд на танҳо аз ҷиҳати техникӣ омода бошанд, балки дорои мафкураи баланди ватандӯстӣ ва масъулиятшиносӣ бошанд.
Бештари суханрониҳои Пешвои миллат дар назди хизматчиёни ҳарбӣ аксаран ба баланд бардоштани руҳияи миллӣ ва худшиносӣ равона гардидаанд.
Дар баробари ин, Сарвари давлат ҳамеша дар суханрониҳояшон таъкид менамоянд, ки мутахассисони баландихтисос асоси неруҳои мусаллаҳи кишвар ҳастанд ва бо дастгириву роҳнамоиҳояшон садҳо ҷавон дар дохил ва хориҷи кишвар дар муассисаҳои таълимии ҳарбӣ таҳсил карда, таҷриба мегирад.
Имрӯз дар сафи Қувваҳои Мусаллаҳ 80 фоиз афсарон хизмат мекунанд, ки хатмкардагони донишкада ва академияҳои ҳарбӣ мебошанд.
Инчунин, адои хизмат дар сафи Қувваҳои Мусаллаҳи кишварро Президенти кишвар муҳим арзёбӣ намуда, таъкид менамоянд, ки: “Адои хизмат дар сафи Артиши миллӣ на танҳо қарзи муқаддаси фарзандӣ, балки мояи ифтихор ва шарафи бузург буда, хизмати ҳарбӣ ба ҳар як ҷавонмард ҳамчун мактаби ҷасорату матонат, дӯстиву рафоқат, худогоҳиву меҳанпарастӣ хизмат мекунад”.
- Дар ин раванд, мо ба муҳайё намудани шароити зарурӣ барои хизмат ва зиндагии хизматчиёни ҳарбӣ, инчунин, баланд бардоштани сатҳи ҳифзи иҷтимоии онҳо аҳаммияти аввалиндараҷа медиҳем, - гуфтаанд Пешвои миллат.
Инчунин, Сарвари давлат аз афсарону сарбозони Қувваҳои Мусаллаҳи кишвар изҳори қаноатмандӣ намуда, борҳо иброз медоранд, ки онҳо вазифаи худро сарбаландона иҷро менамоянд.
- Имрӯз мо метавонем бо ифтихору қаноатмандӣ иброз намоем, ки афсарону сарбозони Қувваҳои Мусаллаҳ аз бисёр имтиҳону озмоишҳои сахту сангин бо сари баланд гузашта, рисолати хизмативу касбии худро бошарафона иҷро карданд ва Артиши миллии мо ҳоло ба як сохтори воқеан боэътимод ва муназзаму муосири давлати соҳибистиқлоли Тоҷикистон табдил ёфтааст, - зикр кардаанд Пешвои миллат.
САҲМИ ПРЕЗИДЕНТ ДАР ТАҲКИМИ ИҚТИДОРИ МУДОФИАВИИ КИШВАР
Нақши Президенти кишвар инчунин дар таҳкими иқтидори мудофиавии Ҷумҳурии Тоҷикистон бориз ҳисобида мешавад.
- Дар солҳои соҳибистиқлолӣ Президенти Ҷумҳурии Тоҷикистон барои ташаккули артиши касбӣ, заминаҳои моддӣ ва техникӣ, инчунин баланд бардоштани сатҳи омодагии ҷангии хизматчиёни ҳарбӣ чораҳои зиёдеро роҳандозӣ намуданд, - зикр намуд Зубайдулло Орифов, коршиноси тоҷик.
Ба гуфтаи ӯ, давоми солҳои истиқлолият бо ташаббуси Президенти кишвар муҳтарам Эмомалӣ Раҳмон пойгоҳҳои низомӣ, қисмҳои ҳарбӣ ва марказҳои таълимии муосир бун-ёд карда шуданд. Ҳар сол садҳо иншооти низомӣ, аз ҷумла мактабҳои ҳарбӣ ва марказҳои омӯзишӣ бо технологияи навтарин муҷаҳҳаз мегарданд.
- Таҷҳизоти низомӣ ва воситаҳои ҷангӣ, ки Артиши миллӣ истифода мебарад, пайваста бо дастгириҳои Сарвари давлат такмил меёбанд. Бо шарофати ҳамкориҳои байналмилалӣ ва шарикӣ бо кишварҳои дӯст, Тоҷикистон тавонист силоҳ ва техникаҳои муосирро ба низоми худ ворид кунад, - илова намуд мавсуф.
ТАВАҶҶУҲ БА ШАРОИТИ ИҶТИМОИИ ХИЗМАТЧИЁНИ ҲАРБӢ
Инчунин, коршиносон ба он назаранд, ки Президенти кишвар муҳтарам Эмомалӣ Раҳмон дар баробари рушди иқтидори мудофиавии кишвар ба беҳтар намудани шароити иҷтимоии хизматчиёни ҳарбӣ низ таваҷҷуҳи хосса зоҳир менамоянд.
Ба гуфтаи Зубайдулло Орифов, имрӯз бо дастгирии Президент садҳо хона барои хизматчиёни ҳарбӣ бунёд ва тақдим карда шудааст, ки ин иқдом на танҳо шароити зиндагии хизматчиёнро беҳтар намуд, балки онҳоро барои адои хизмати содиқона ҳавасманд гардонидааст.
- Инчунин, солҳои охир, маоши хизматчиёни ҳарбӣ пайваста афзоиш ёфтааст. Илова бар ин, ба онҳо як қатор имтиёзҳо, аз ҷумла дастрасӣ ба таҳсилоти ройгон барои фарзандонашон ва хизматрасониҳои тиббӣ фароҳам оварда шудааст, - гуфт ӯ.
Ӯ илова намуд, ки Президенти кишвар ба собиқадорони ҷангу хизматчиёни ҳарбӣ низ таваҷҷуҳи хосса зоҳир менамоянд. Барномаҳои дастгирии иҷтимоӣ барои ин гурӯҳҳо таҳия шуда, бо шарофати ин ташаббусҳо садҳо собиқадор аз дастгириҳои давлатӣ бархӯрдор шудаанд. Президенти Ҷумҳурии Тоҷикистон муҳтарам Эмомалӣ Раҳмон тавонистанд Артиши миллии Тоҷикистонро ба як неруи тавоно ва замонавӣ табдил диҳанд.
- Артиши миллӣ имрӯз на танҳо кафили амнияти давлат, балки нишонаи ифтихори миллӣ ва дастоварди истиқлолияти кишвар мебошад. Саҳми Президенти Ҷумҳурии Тоҷикистон дар рушди ин сохтор бори дигар нишон медиҳад, ки сарварии устувор ва дурбинона метавонад, ба пешрафти як давлат ва ҳифзи манфиатҳои миллии он мусоидат намояд, - гуфт Зубайдулло Орифов.
Фарзонаи УМАРАЛӢ, “ҶТ”
Хабарҳои дигар
Рӯзнома
Эзоҳи худро нависед