Бори нахуст дар таърихи соҳибистиқлолии кишвар, дар баландии зиёда аз 3600 метр аз сатҳи баҳр мусобиқаи варзишӣ аз намуди гӯштин баргузор гардид.

Сабқати кушоди вилоятӣ аз намуди гӯштин барои дарёфти "Ҷоми Раиси ВМКБ" дар доираи таҷлил аз ҷашни Наврӯзи байналмилалӣ дар шаҳраки Мурғоб байни паҳлавонони шаҳру ноҳияҳои вилоят доир карда шуд.

Дар рафти мусобиқа паҳлавонони ҷавон аз рӯи вазнҳои гуногун байни ҳам қувваозмоӣ намуда, маҳорати баланди варзишӣ, ҷасорат ва омодагии ҷисмонии худро нишон доданд.

Натиҷаи мусобиқа аз ҷониби доварон ба таври зайл баҳогузорӣ гардида, ғолибон бо туҳфаҳои хотиравӣ қадр карда шуданд:

Вазни 60кг
Ҷойи 1 - Ҳасанов А. н. Рӯшон
Ҷойи 2 - Ғиёсов В. н. Ванҷ
Ҷойи 3 - Шарипов А. ш. Хоруғ
Ҷойи 3 - Лутфишоев Ҷ. н. Шуғнон

Вазни 71 кг
Ҷойи 1 - Шайхалиев А . н. Рӯшон
Ҷойи 2 - Лифаев Р. н. Рӯшон
Ҷойи 3 - Саторов Ғ. н. Ванҷ
Ҷойи 3 - Сабралиев П. н. Шуғнон

Вазни 78 кг
Ҷойи 1- Раҳмихудоев С. н. Рӯшон
Ҷойи 2 - Қаландарбеков Т. н. Шуғнон
Ҷойи 3 - Шириншоев Т . н. Рӯшон
Ҷойи 3 - Давлатназаров Ф. н. Шуғнон

Садоншо ҶАНОБИЛШОЕВ, "ҶТ"