Имрӯз - 17 апрел дар рӯзи дуввуми мусобиқоти қаҳрамонии ҷудои Осиё, ки дар шаҳри Ордоси Чин ҷараён дорад, Муҳиддин Асадуллоев ҷудокори тоҷик дар вазни то 73 кг барандаи медали тиллои мусобиқа ва қаҳрамони Осиё гардид.

Муҳиддин Асадуллоев то даври ниҳоии вазни то 73 кг кулли рақибони худро мағлуб карда, ба финал баромад. Ӯ дар финал бар Маҳмадбек Маҳмадбеков ғалаба намуда, соҳиби нишони тилло шуд.

Муҳиддин Асадуллоев қаблан дар мусобиқаҳои “Grand Slam” соҳиби медалҳои тилло, нуқра ва биринҷӣ шудааст. Ҳамчунин, Асадуллоев медали тиллои Қаҳрамонии ҷаҳони ҷавононро низ дар хазинаи дастовардҳояш дорад, ки натиҷаи беҳтарин барои ҷудокори 19-солаи тоҷик ба ҳисоб меравад.

“ҶТ”