Нушофарин Раҷабзода хонандаи синфи 10-и Муассисаи давлатии таълимии “Мактаби байналмилалии президентӣ” аз ноҳияи Сино ғолиби даври шаҳрии Озмуни “Хонандаи сол – 2025” гардид.

Тавре АМИТ “ХОВАР” иттилоъ медиҳад, озмуни шаҳрии “Хонандаи сол – 2025” 6-7 апрели соли 2026 дар Муассисаи давлатии “Маркази кӯдакон ва наврасони шаҳри Душанбе” баргузор гардидааст.

Озмун дар асоси Қарори раиси шаҳри Душанбе баргузор гардида, дар қисмати аввали шартҳои озмун аз корҳои тестӣ ва дар қисмати дуюми рӯз аз корҳои хаттӣ аз фанҳои таълимӣ иборат буд, ки гузаронида шуданд. Дар рӯзи дуюми озмун - 7 апрел ба намоиши дастовардҳо, маҳорати суханварӣ ва донишҳои назариявии хонандагон баҳо гузошта шуд.

Ғолиби Озмуни шаҳрии “Хонандаи сол – 2025” бо мукофотпулӣ ва Ифтихорномаи Мақомоти иҷрояи ҳокимияти давлатии шаҳри Душанбе қадрдонӣ мегардад.

Шаҳноза АЗИМОВА, “ҶТ”