ҶОМЕА
Душанбе 07 Июл 2025 09:04
Дар Хадамоти алоқаи Ҷумҳурии Тоҷикистон боло бурдани нархи интернет аз ҷониби ширкатҳои мобилӣ дар кишвар дастгирӣ ёфт ва зикр гардид, ки хароҷоти ширкатҳо зиёд аст ва илова бар ин, бояд буҷаи давлатро пур кунанд.
- Ширкатҳо бояд арзиши интернет ва алоқаро баланд кунанд, зеро онҳо хароҷоти зиёд доранд ва илова бар ин, бояд буҷаи давлатро пур кунанд, - ин нукта аз ҷониби Рафиқҷон Шокиров, иҷрокунандаи вазифаи сардори Раёсати алоқа ва иттилоотонии Хадамот зимни нишасти хабарӣ садо дод.
Номбурда гуфт, ширкатҳо таҷҳизоти худро нав кардаанд, пас аз қатъи барқ дар саросари кишвар дар моҳи марти соли ҷорӣ аккамулятор ва генераторҳои иловагӣ харидорӣ намуданд.
Ҳамзамон, дар нишасти хабарии Хадамоти алоқа зикр гардид, ки баланд бардоштани нархи арзиши тарофаҳои интернет бо сохторҳои дахлдор мувофиқа шудааст.
НАРХИ ИНТЕРНЕТ БОЯД БАЛАНД БАРДОШТА ШАВАД
“Масъалаи аввалиндараҷае, ки дар ҳама ҷаласаҳои Ҳукумати кишвар баррасӣ мешавад, ғанигардонии буҷа аст. Аз ин рӯ, ширкати “Мегафон Тоҷикистон” масъалаи арзиши хизматрасониро бозбинӣ намуда, ба хулосае омад, ки ҳаққи он каме ҳам бошад, бояд баланд бардошта шавад” - зикр кард Рафиқҷон Шокиров.
Ба гуфтаи ин масъули Хадамот, нархро танҳо ширкати “Мегафон Тоҷикистон” баланд кардааст. Арзиши тарофаҳои дигар ширкатҳои мобилӣ бетағйир мондаанд.
Аммо ин гуфтаи масъули Хадамотро истифодабарандагони дигар ширкатҳои мобилӣ рад мекунанд ва мегӯянд, ки дигар ширкатҳо низ нархи интернетро боло бурдаанд, вале суръати интернет аз пештара дида суст кор мекунад.
Сайёраи Зубайдулло як истифодабарандаи ширкати мобилии Тссел аз баланд бардоштани нархи интернет аз ҷониби ин ширкат нигаронӣ карда гуфт, ки пардохти ҳармоҳаи тарофаи ӯ 85 сомониро ташкил медод, вале айни ҳол нархи онро 15 сомонӣ зиёд карданд, ки он ба 100 сомонӣ баробар шуд.
Ба қавли ин ҳамсуҳбати мо, бо вуҷуди баланд бардоштани нарх, суръати кори интернет ба ҷойи баланд шудан, якбора суст гардид.
- Вобаста ба паст будани суръати интернет ба ширкати мобилии Тссел муроҷиат кардам ва аз вазъияти бади интернет шикоят кардам. Аз ин ширкат гуфтанд, ки дар наздиктарин фурсат ин камбудиро бартараф хоҳанд кард, вале ҳоло ҳам ин мушкилӣ ҷой дорад, - гуфт ҳамсуҳбати мо.
Аз ин гуфта бармеояд, ки натанҳо ширкати Тисел, балки дигар ширкатҳо нархи тарофаҳояшонро баланд бардоштаанд.
Бояд зикр кард, ки моҳи январи соли равон Хадамоти алоқаи кишвар бо нашри як изҳорот доир ба боло бурдани нарх ва арзиши тарофаҳо ба ширкатҳои мобилӣ муроҷиат карда, иқдоми онҳоро ғайримақсаднок ҳисобида буд.
- Хадамоти алоқа чунин меҳисобад, ки ин иқдом бо ҳадафҳои роҳбарияти олии кишвар ҷиҳати паст намудани арзиши хизматрасониҳои мобилӣ ва баланд бурдани сифати алоқаи барқӣ мухолиф буда, ба вазъи иқтисодию иҷтимоии ҷомеа таъсири манфӣ мегузорад. Ҳамзамон, барои амалисозии тадбирҳои муҳиме мондани гузариш ба ҳисоббаробаркунии ғайринақдӣ монеа эҷод мекунад, - таъкид намуда буд Хадамоти алоқаи кишвар.
Дар ин миён ширкати “Мегафон Тоҷикистон” низ нархи тарофаҳояшро баланд бардоша буд. Вале Хадамоти алоқа ширкати Мегафонро барои риоя накардани Қарори Ҳукумати кишвар гунаҳгор дониста, дархост намуда буд, ки нархи тарофаҳояшро баланд набардорад.
Вале айни замон масъулини Хадамоти алоқа мегӯянд, ки арзишу суръати алоқа ва интернет дар Тоҷикистон вобаста ба шарту шароит ва ҳолати зиндагии имрӯзаи кишвар аст.
ТОҶИКИСТОН 100% БО ИНТЕРНЕТУ АЛОҚА ТАЪМИН АСТ
Бо вуҷуди ин ҳамарӯза мо дар шабакаҳои иҷтимоӣ шоҳиди он мешавем, ки истифодабарандагон аз суръати пасти интернети мобилӣ шикоят мекунанд.
Аммо Хадамоти алоқаи кишвар мегӯяд, ки Ҷумҳурии Тоҷикистон бо хизматрасонии алоқаи мобилӣ ва интернет садфоиза таъмин аст.
Аз ҷумла, дар радабандӣ (рейтинг)-и наве, ки аз ҷониби “Speedtest Global Index” моҳи апрели соли 2024 анҷом дода шудааст, Тоҷикистон аз рӯи суръати интернети мобилӣ дар миёни 144 кишвари дунё ҷойи 140-ум ва аз рӯи нархи интернет мақоми 142-юмро ишғол намудааст.
Аммо Рафиқҷон Шокиров гуфт, ки дар чунин радабандиҳо на ҳамаи омилҳо ба назар гирифта мешаванд ва танҳо ба хотири бад нишон додани баъзе аз кишварҳо нашр мешаванд.
“Ширкатҳои хориҷӣ як чизро ба инобат нагирифтаанд. Дар Тоҷикистон 10 миллиону 700 ҳазор аҳолӣ зиндагӣ доранд. Онҳо инро ба назар мегиранд. Вале аз 10 миллион беш 1 млн. истифодабаранда кӯдакони аз 1 то 5 - сола ҳастанд. Ин ширкатҳо инро дар давлатҳои худ ба назар мегиранд, вале аз моро не. Дар асоси ҳамин ҳозир дар ҷумҳурӣ зиёда аз 86% истифодабарандагони алоқа ҳаст. Мо агар ҳамаро ба назар гирем, Тоҷикистон 100% бо интернету алоқа таъмин аст”, - гуфт Рафиқҷон Шокиров.
ФАРҲАНГИ ИСТИФОДАИ НОДУРУСТИ ИНТЕРНЕТ
Масъулини Хадамоти алоқаи Тоҷикистон мегӯянд, ки агар мардум фарҳанги истифодаи интернетро омӯзанд, суръати он дар кишвар беҳтар мешавад.
“Мардуми мо нозук шудаанд. Онҳо мехоҳанд тугмаро пахш накарда, интернет ба онҳо ҷавоб диҳад. Мо фарҳанги истифодаи интернетро надорем, ин пӯшида нест. Мисол, ман тавассути автобус мераваму меоям. Мушоҳида кардам, ки духтарчаҳо “Тик-ток” тамошо мекунанд. Онҳо мафкураашон инро намебардорад, ки интернет барои ҳалли мушкилиҳо аст. Мо бояд интернетро дар ҷойҳои зарурӣ истифода барем”, - гуфт Рафиқҷон Шокиров, иҷрокунандаи вазифаи сардори Раёсати алоқа ва иттилоотонии Хадамоти алоқа.
Аз ҷумла, Аҳлиддин Муртазозода, муовини сардори Хадамоти алоқа низ гуфт, мардуми мо то ҳанӯз фарҳанги истифодаи дурусту оқилонаи интернетро наомӯхтааст. Ба қавли ӯ: “хизматрасонии интернетӣ дар ҷумҳурии мо дар сатҳи баланд қарор дорад ва мардум тарзи истифодаи дурусти онро балад нестанд”.
Вобаста ба арзон шудани нархҳо ва боло рафтани сифати хизматрасонӣ Аҳлиддин Муртазозода гуфт, масъалаи нарху наво дар мувофиқа бо Хадамоти зиддиинҳисорӣ муайян ва ҷорӣ карда мешавад.
Аммо истифодабарандагон зери шарҳи ин хабар норозигии худро аз суръати пасти интернет, аз ҷумла дар минтақаҳои дурдасти кишвар баён намудаанд.
Аз ҷумла, Маҳмудшоҳ Кабиров мегӯяд, ки Тоҷикистон бояд ба давраи рақамӣ гузарад, аммо бо сабаби паст будани суръати интернет минтақаҳо ба мушкилӣ гирифторанд.
- Ҳама вазоратҳо ин кӯшишро доранд, вале иттилоъро аз деҳот ва минтақаҳои музофотӣ ҷамъ кардан наметавонанд. Сабаб набудан ё заиф будани суръати интернет аст. Боз маълумотро бо қоғаз ҷамъ мекунанд ва боз хато менависанд, омор осеб мебинад, ҳамин тавр системаи идоравӣ ба мушкилот гирифтор мешавад, - менависад ин истифодабарандаи шабакаи иҷтимоии Фейсбук.
Ба қавли Кабиров, ин ҳама ба рушди технология дар кишвар зарар мерасонад ва дар рақобати байналмилалӣ ба мавқеи Тоҷикистон таъсиргузор хоҳад буд.
- Бояд суръати интернет ва дастрасии онро дар тамоми ҷумҳурӣ як хел тақсим кард, - иброз медорад номбурда.
Анвар Қурбонов истифодабарандаи дигар, чунин навиштааст:
“Ҳар моҳ 3-5 рӯз интернет тавассути хатти алоқаи телефонҳои ноҳиявӣ дар ноҳияи Ашт гум мешавад ва мо имкони истифодаи лимити худро надорем. Камтар шамол шавад, ё борони шадид кабел мудом канда мешавад, чунки симчӯб миёнбанд надораду канда мешавад. Ин ҳам ба фарҳанги истифодабарандагон алоқамандӣ дорад ё ба беаҳамиятии масъулин?
Баланд намудани нархи интернет аз ҷониби ширкатҳои мобилӣ ва он ки Хадамоти алоқа бо боварӣ аз суръати баланди интернет ва нархи дастраси он мегӯяд, дар ҳолест, ки Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар Паёми қаблии худ таъкид карда буданд, ки суръат ва арзиши интернет ҳанӯз қонеъкунанда нест.
Аз ҷумла, Сарвари давлат гуфта буданд, ки: “рушди соҳаи алоқа, бахусус таъмин намудани суръати баланди интернет ва дастрас будани нархи он барои рушди иқтисоди рақамӣ, зеҳни сунъӣ, таъмин намудани амнияти иттилоотӣ, ҷалби сармоя ва ташкили паркҳои технологиву инноватсионӣ зарур мебошад. Вале таъкид менамоям, ки суръат ва арзиши интернет ҳанӯз қонеъкунанда нест”.
Сарвари давлат он замон Хадамоти алоқаро вазифадор намуда буданд, ки дар якҷоягӣ бо ширкатҳои дар соҳа фаъолияткунанда барои беҳтар намудани сифати хизматрасониҳо, паст кардани арзиши хизматрасониҳои алоқаи мобилӣ ва интернет ва дастрас гардонидани интернети баландсуръат дар тамоми минтақаҳои кишвар, аз ҷумла шаҳру ноҳияҳои дурдаст, тадбирҳои заруриро роҳандозӣ намояд.
Инчунин, Бег Сабур, сардори Хадамоти алоқаи Тоҷикистон низ корҳо дар самти беҳтар кардани сифат ва нархи интернетро нокифоя хонда, аз масъулин талаб карда буд, ки онро боз ҳам ҷоннок намоянд.
НАСБИ 157 АДАД ИСТГОҲИ БАЗАВӢ ДАР КИШВАР
Бояд гуфт, ки 22 июни соли 2023 Президенти Ҷумҳурии Тоҷикистон муҳтарам Эмомалӣ Раҳмон, Фармон “Дар бораи тадбирҳои вусъат додани ҳисоббаробаркунии ғайринақдӣ”-ро ба имзо расонида буданд, ки бояд боиси рушди инфрасохтори алоқа шавад.
Масъалаи мазкур низ дар нишасти матбуотии Хадамоти алоқа мавриди баррасӣ қарор гирифт.
Аҳлиддин Муртазозода, муовини сардори Хадамоти алоқа гуфт, танҳо роҳи ҳалли мушкил тавсеаи ширкатҳо аз нуқтаи назари технологӣ ва боло бурдани сифати кори ширкатҳои мобилӣ аст.
“Кореро, ки ҳоло мо бо иттифоқи ширкат мекунем, ҳарчӣ бештар насб кардани истгоҳҳои базавӣ ва кашидани хатти нахи нурӣ аст, то дастрасӣ ба шабакаи интернети босуръат ҳамвор шавад”, - гуфт Аҳлиддин Муртазозода.
Тибқи иттилои ӯ, тули соли гузашта, дар Тоҷикистон 157 истгоҳи базавӣ насб шуда, 148,28 километр хатти нахи нурӣ баҳри вусъат бахшидани фаъолияти бемайлони стансияҳои базавӣ ва дастрасӣ ба шабакаи баландсуръати интернет насбу роҳандозӣ карда шудааст. Ҳамзамон, замимаҳои бонкинги мобилӣ дар смартфонҳо ба кор дароварда шуданд.
Ба гуфтаи Рафиқҷон Шокиров ба хотири ҳалли ин мушкил ширкатҳои мобилӣ ба харидории аккумуляторҳо, генераторҳо ва дизел - генераторҳо шуруъ кардаанд.
“Вуҷуди ин қабил зарфиятҳо, ки дар ҳолати бебарқӣ ба таври худкор фаъол шаванд ва дастгоҳҳоро бо барқ таъмин кунанд, барои қатъ нашудани алоқа хеле муҳим аст”, - гуфт номбурда.
Тибқи иттилои Хадамоти алоқаи Тоҷикистон, дар шашмоҳаи соли гузашта ширкатҳои мобилии “Индиго Тоҷикистон” 45 маҷмуъ (ҳар як маҷмуъ аз се, бархе 12 аккумулятор иборат аст), “Мегафон” 300 маҷмуъ аккумуляторҳо, 12 маҷмуъ дизел-генераторҳо, “Зет мобайл” зиёда аз 100 маҷмуъ аккумулятор, 8 дизел-генератор ва “Вавилон” зиёда аз 120 маҷмуъ аккумулятор, зиёда аз 10 маҷмуъ дизел - генераторҳо ворид кардаанд.
Ҳоло бино ба маълумоти оморӣ шумораи истифодабарандагони Интернет дар Тоҷикистон 7,8 миллион нафарро ташкил дода, 4,8 миллион адади он муштариёни фаъол мебошанд.
- Ширкатҳо бояд арзиши интернет ва алоқаро баланд кунанд, зеро онҳо хароҷоти зиёд доранд ва илова бар ин, бояд буҷаи давлатро пур кунанд, - ин нукта аз ҷониби Рафиқҷон Шокиров, иҷрокунандаи вазифаи сардори Раёсати алоқа ва иттилоотонии Хадамот зимни нишасти хабарӣ садо дод.
Номбурда гуфт, ширкатҳо таҷҳизоти худро нав кардаанд, пас аз қатъи барқ дар саросари кишвар дар моҳи марти соли ҷорӣ аккамулятор ва генераторҳои иловагӣ харидорӣ намуданд.
Ҳамзамон, дар нишасти хабарии Хадамоти алоқа зикр гардид, ки баланд бардоштани нархи арзиши тарофаҳои интернет бо сохторҳои дахлдор мувофиқа шудааст.
НАРХИ ИНТЕРНЕТ БОЯД БАЛАНД БАРДОШТА ШАВАД
“Масъалаи аввалиндараҷае, ки дар ҳама ҷаласаҳои Ҳукумати кишвар баррасӣ мешавад, ғанигардонии буҷа аст. Аз ин рӯ, ширкати “Мегафон Тоҷикистон” масъалаи арзиши хизматрасониро бозбинӣ намуда, ба хулосае омад, ки ҳаққи он каме ҳам бошад, бояд баланд бардошта шавад” - зикр кард Рафиқҷон Шокиров.
Ба гуфтаи ин масъули Хадамот, нархро танҳо ширкати “Мегафон Тоҷикистон” баланд кардааст. Арзиши тарофаҳои дигар ширкатҳои мобилӣ бетағйир мондаанд.
Аммо ин гуфтаи масъули Хадамотро истифодабарандагони дигар ширкатҳои мобилӣ рад мекунанд ва мегӯянд, ки дигар ширкатҳо низ нархи интернетро боло бурдаанд, вале суръати интернет аз пештара дида суст кор мекунад.
Сайёраи Зубайдулло як истифодабарандаи ширкати мобилии Тссел аз баланд бардоштани нархи интернет аз ҷониби ин ширкат нигаронӣ карда гуфт, ки пардохти ҳармоҳаи тарофаи ӯ 85 сомониро ташкил медод, вале айни ҳол нархи онро 15 сомонӣ зиёд карданд, ки он ба 100 сомонӣ баробар шуд.
Ба қавли ин ҳамсуҳбати мо, бо вуҷуди баланд бардоштани нарх, суръати кори интернет ба ҷойи баланд шудан, якбора суст гардид.
- Вобаста ба паст будани суръати интернет ба ширкати мобилии Тссел муроҷиат кардам ва аз вазъияти бади интернет шикоят кардам. Аз ин ширкат гуфтанд, ки дар наздиктарин фурсат ин камбудиро бартараф хоҳанд кард, вале ҳоло ҳам ин мушкилӣ ҷой дорад, - гуфт ҳамсуҳбати мо.
Аз ин гуфта бармеояд, ки натанҳо ширкати Тисел, балки дигар ширкатҳо нархи тарофаҳояшонро баланд бардоштаанд.
Бояд зикр кард, ки моҳи январи соли равон Хадамоти алоқаи кишвар бо нашри як изҳорот доир ба боло бурдани нарх ва арзиши тарофаҳо ба ширкатҳои мобилӣ муроҷиат карда, иқдоми онҳоро ғайримақсаднок ҳисобида буд.
- Хадамоти алоқа чунин меҳисобад, ки ин иқдом бо ҳадафҳои роҳбарияти олии кишвар ҷиҳати паст намудани арзиши хизматрасониҳои мобилӣ ва баланд бурдани сифати алоқаи барқӣ мухолиф буда, ба вазъи иқтисодию иҷтимоии ҷомеа таъсири манфӣ мегузорад. Ҳамзамон, барои амалисозии тадбирҳои муҳиме мондани гузариш ба ҳисоббаробаркунии ғайринақдӣ монеа эҷод мекунад, - таъкид намуда буд Хадамоти алоқаи кишвар.
Дар ин миён ширкати “Мегафон Тоҷикистон” низ нархи тарофаҳояшро баланд бардоша буд. Вале Хадамоти алоқа ширкати Мегафонро барои риоя накардани Қарори Ҳукумати кишвар гунаҳгор дониста, дархост намуда буд, ки нархи тарофаҳояшро баланд набардорад.
Вале айни замон масъулини Хадамоти алоқа мегӯянд, ки арзишу суръати алоқа ва интернет дар Тоҷикистон вобаста ба шарту шароит ва ҳолати зиндагии имрӯзаи кишвар аст.
ТОҶИКИСТОН 100% БО ИНТЕРНЕТУ АЛОҚА ТАЪМИН АСТ
Бо вуҷуди ин ҳамарӯза мо дар шабакаҳои иҷтимоӣ шоҳиди он мешавем, ки истифодабарандагон аз суръати пасти интернети мобилӣ шикоят мекунанд.
Аммо Хадамоти алоқаи кишвар мегӯяд, ки Ҷумҳурии Тоҷикистон бо хизматрасонии алоқаи мобилӣ ва интернет садфоиза таъмин аст.
Аз ҷумла, дар радабандӣ (рейтинг)-и наве, ки аз ҷониби “Speedtest Global Index” моҳи апрели соли 2024 анҷом дода шудааст, Тоҷикистон аз рӯи суръати интернети мобилӣ дар миёни 144 кишвари дунё ҷойи 140-ум ва аз рӯи нархи интернет мақоми 142-юмро ишғол намудааст.
Аммо Рафиқҷон Шокиров гуфт, ки дар чунин радабандиҳо на ҳамаи омилҳо ба назар гирифта мешаванд ва танҳо ба хотири бад нишон додани баъзе аз кишварҳо нашр мешаванд.
“Ширкатҳои хориҷӣ як чизро ба инобат нагирифтаанд. Дар Тоҷикистон 10 миллиону 700 ҳазор аҳолӣ зиндагӣ доранд. Онҳо инро ба назар мегиранд. Вале аз 10 миллион беш 1 млн. истифодабаранда кӯдакони аз 1 то 5 - сола ҳастанд. Ин ширкатҳо инро дар давлатҳои худ ба назар мегиранд, вале аз моро не. Дар асоси ҳамин ҳозир дар ҷумҳурӣ зиёда аз 86% истифодабарандагони алоқа ҳаст. Мо агар ҳамаро ба назар гирем, Тоҷикистон 100% бо интернету алоқа таъмин аст”, - гуфт Рафиқҷон Шокиров.
ФАРҲАНГИ ИСТИФОДАИ НОДУРУСТИ ИНТЕРНЕТ
Масъулини Хадамоти алоқаи Тоҷикистон мегӯянд, ки агар мардум фарҳанги истифодаи интернетро омӯзанд, суръати он дар кишвар беҳтар мешавад.
“Мардуми мо нозук шудаанд. Онҳо мехоҳанд тугмаро пахш накарда, интернет ба онҳо ҷавоб диҳад. Мо фарҳанги истифодаи интернетро надорем, ин пӯшида нест. Мисол, ман тавассути автобус мераваму меоям. Мушоҳида кардам, ки духтарчаҳо “Тик-ток” тамошо мекунанд. Онҳо мафкураашон инро намебардорад, ки интернет барои ҳалли мушкилиҳо аст. Мо бояд интернетро дар ҷойҳои зарурӣ истифода барем”, - гуфт Рафиқҷон Шокиров, иҷрокунандаи вазифаи сардори Раёсати алоқа ва иттилоотонии Хадамоти алоқа.
Аз ҷумла, Аҳлиддин Муртазозода, муовини сардори Хадамоти алоқа низ гуфт, мардуми мо то ҳанӯз фарҳанги истифодаи дурусту оқилонаи интернетро наомӯхтааст. Ба қавли ӯ: “хизматрасонии интернетӣ дар ҷумҳурии мо дар сатҳи баланд қарор дорад ва мардум тарзи истифодаи дурусти онро балад нестанд”.
Вобаста ба арзон шудани нархҳо ва боло рафтани сифати хизматрасонӣ Аҳлиддин Муртазозода гуфт, масъалаи нарху наво дар мувофиқа бо Хадамоти зиддиинҳисорӣ муайян ва ҷорӣ карда мешавад.
Аммо истифодабарандагон зери шарҳи ин хабар норозигии худро аз суръати пасти интернет, аз ҷумла дар минтақаҳои дурдасти кишвар баён намудаанд.
Аз ҷумла, Маҳмудшоҳ Кабиров мегӯяд, ки Тоҷикистон бояд ба давраи рақамӣ гузарад, аммо бо сабаби паст будани суръати интернет минтақаҳо ба мушкилӣ гирифторанд.
- Ҳама вазоратҳо ин кӯшишро доранд, вале иттилоъро аз деҳот ва минтақаҳои музофотӣ ҷамъ кардан наметавонанд. Сабаб набудан ё заиф будани суръати интернет аст. Боз маълумотро бо қоғаз ҷамъ мекунанд ва боз хато менависанд, омор осеб мебинад, ҳамин тавр системаи идоравӣ ба мушкилот гирифтор мешавад, - менависад ин истифодабарандаи шабакаи иҷтимоии Фейсбук.
Ба қавли Кабиров, ин ҳама ба рушди технология дар кишвар зарар мерасонад ва дар рақобати байналмилалӣ ба мавқеи Тоҷикистон таъсиргузор хоҳад буд.
- Бояд суръати интернет ва дастрасии онро дар тамоми ҷумҳурӣ як хел тақсим кард, - иброз медорад номбурда.
Анвар Қурбонов истифодабарандаи дигар, чунин навиштааст:
“Ҳар моҳ 3-5 рӯз интернет тавассути хатти алоқаи телефонҳои ноҳиявӣ дар ноҳияи Ашт гум мешавад ва мо имкони истифодаи лимити худро надорем. Камтар шамол шавад, ё борони шадид кабел мудом канда мешавад, чунки симчӯб миёнбанд надораду канда мешавад. Ин ҳам ба фарҳанги истифодабарандагон алоқамандӣ дорад ё ба беаҳамиятии масъулин?
Баланд намудани нархи интернет аз ҷониби ширкатҳои мобилӣ ва он ки Хадамоти алоқа бо боварӣ аз суръати баланди интернет ва нархи дастраси он мегӯяд, дар ҳолест, ки Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар Паёми қаблии худ таъкид карда буданд, ки суръат ва арзиши интернет ҳанӯз қонеъкунанда нест.
Аз ҷумла, Сарвари давлат гуфта буданд, ки: “рушди соҳаи алоқа, бахусус таъмин намудани суръати баланди интернет ва дастрас будани нархи он барои рушди иқтисоди рақамӣ, зеҳни сунъӣ, таъмин намудани амнияти иттилоотӣ, ҷалби сармоя ва ташкили паркҳои технологиву инноватсионӣ зарур мебошад. Вале таъкид менамоям, ки суръат ва арзиши интернет ҳанӯз қонеъкунанда нест”.
Сарвари давлат он замон Хадамоти алоқаро вазифадор намуда буданд, ки дар якҷоягӣ бо ширкатҳои дар соҳа фаъолияткунанда барои беҳтар намудани сифати хизматрасониҳо, паст кардани арзиши хизматрасониҳои алоқаи мобилӣ ва интернет ва дастрас гардонидани интернети баландсуръат дар тамоми минтақаҳои кишвар, аз ҷумла шаҳру ноҳияҳои дурдаст, тадбирҳои заруриро роҳандозӣ намояд.
Инчунин, Бег Сабур, сардори Хадамоти алоқаи Тоҷикистон низ корҳо дар самти беҳтар кардани сифат ва нархи интернетро нокифоя хонда, аз масъулин талаб карда буд, ки онро боз ҳам ҷоннок намоянд.
НАСБИ 157 АДАД ИСТГОҲИ БАЗАВӢ ДАР КИШВАР
Бояд гуфт, ки 22 июни соли 2023 Президенти Ҷумҳурии Тоҷикистон муҳтарам Эмомалӣ Раҳмон, Фармон “Дар бораи тадбирҳои вусъат додани ҳисоббаробаркунии ғайринақдӣ”-ро ба имзо расонида буданд, ки бояд боиси рушди инфрасохтори алоқа шавад.
Масъалаи мазкур низ дар нишасти матбуотии Хадамоти алоқа мавриди баррасӣ қарор гирифт.
Аҳлиддин Муртазозода, муовини сардори Хадамоти алоқа гуфт, танҳо роҳи ҳалли мушкил тавсеаи ширкатҳо аз нуқтаи назари технологӣ ва боло бурдани сифати кори ширкатҳои мобилӣ аст.
“Кореро, ки ҳоло мо бо иттифоқи ширкат мекунем, ҳарчӣ бештар насб кардани истгоҳҳои базавӣ ва кашидани хатти нахи нурӣ аст, то дастрасӣ ба шабакаи интернети босуръат ҳамвор шавад”, - гуфт Аҳлиддин Муртазозода.
Тибқи иттилои ӯ, тули соли гузашта, дар Тоҷикистон 157 истгоҳи базавӣ насб шуда, 148,28 километр хатти нахи нурӣ баҳри вусъат бахшидани фаъолияти бемайлони стансияҳои базавӣ ва дастрасӣ ба шабакаи баландсуръати интернет насбу роҳандозӣ карда шудааст. Ҳамзамон, замимаҳои бонкинги мобилӣ дар смартфонҳо ба кор дароварда шуданд.
Ба гуфтаи Рафиқҷон Шокиров ба хотири ҳалли ин мушкил ширкатҳои мобилӣ ба харидории аккумуляторҳо, генераторҳо ва дизел - генераторҳо шуруъ кардаанд.
“Вуҷуди ин қабил зарфиятҳо, ки дар ҳолати бебарқӣ ба таври худкор фаъол шаванд ва дастгоҳҳоро бо барқ таъмин кунанд, барои қатъ нашудани алоқа хеле муҳим аст”, - гуфт номбурда.
Тибқи иттилои Хадамоти алоқаи Тоҷикистон, дар шашмоҳаи соли гузашта ширкатҳои мобилии “Индиго Тоҷикистон” 45 маҷмуъ (ҳар як маҷмуъ аз се, бархе 12 аккумулятор иборат аст), “Мегафон” 300 маҷмуъ аккумуляторҳо, 12 маҷмуъ дизел-генераторҳо, “Зет мобайл” зиёда аз 100 маҷмуъ аккумулятор, 8 дизел-генератор ва “Вавилон” зиёда аз 120 маҷмуъ аккумулятор, зиёда аз 10 маҷмуъ дизел - генераторҳо ворид кардаанд.
Ҳоло бино ба маълумоти оморӣ шумораи истифодабарандагони Интернет дар Тоҷикистон 7,8 миллион нафарро ташкил дода, 4,8 миллион адади он муштариёни фаъол мебошанд.
Хабарҳои дигар
Рӯзнома
Эзоҳи худро нависед