Дар шаҳри Хуҷанд даври шаҳрии Озмуни ҷумҳуриявии “Кадбонуи беҳтарин” бо иштироки занону духтарон баргузор шуд.

Тибқи иттилоъ, истеъдоди нотакрори ҳунармандии занону духтарони тоҷик онҳоро ҳамчун занони бохираду порсо, созандаю офаранда ва фарҳангию фарҳангсолор муаррифӣ менамояд.

Дар даври шаҳрии Озмуни ҷумҳуриявии “Кадбонуи беҳтарин” гурӯҳи кадбонуҳои Беморхонаи клиникавии шаҳрии №1 –и шаҳри Хуҷанд ҷойи аввал, кадбонуҳои Донишгоҳи давлатии Хуҷанд ба номи академик Бобоҷон Ғафуров ҷойи дуюм ва маҳаллаи “Тиллокон” ҷойи сеюмро соҳиб шуданд.

Ба гуфти масъулин, озмун бо мақсади эҳё ва ҳифзу нигоҳдошти беҳтарин суннатҳои миллии ниёгони халқи тоҷик дар самти омода намудани хӯрокҳои миллӣ, таомҳои миллии маҳаллӣ, баланд бардоштани завқи кадбонугӣ ба роҳ монда шудааст.

Шаҳноза АЗИМОВА, “ҶТ”