ҶОМЕА
Шанбе 07 Феврал 2026 06:49
Бошгоҳи “Истиқлол”-и Душанбе дар даври сеюми марҳилаи гурӯҳии Лигаи қаҳрамонҳои дуюми AFC (Конфедератсияи футболи Осиё)-2025/26 муқобили тими “Ал-Завра”-и Бағдод (Ироқ) бо ҳисоби 2:1 ғалаба намуда, соҳиби имтиёзи муҳим гардид.
Рақобати дастаҳо дар гурӯҳи “D” шаби чоршанбеи 22-юми октябр дар Варзишгоҳи марказии шаҳри Ҳисор бо ҳузури беш аз 6 ҳазор тамошобин доир гардид.
Оғози рақобат барои бошгоҳи “Истиқлол” каме бад шуруъ шуд, чун дар нимаи аввали дидор ҳамлагари ироқиҳо Иброҳим Гбадамосӣ дар дақиқаи чорум голи авалинро ба дарвозаи мизбонон ворид намуд. Дар идома, голи ҷавобиро нимҳимоятгари бошгоҳи “Истиқлол” Амирбек Ҷӯрабоев бо зарбаи сар дар дақиқаи 20-ум вориди дарвозаи бағдодиҳо намуд. Голи дуюми мизбононро ҳамлагар Пол Камолафе, легионери африқоӣ аз Нигерия дар охири бозӣ, дар дақиқаи 84-ум, ба самар расонд.
Рақобати дастаҳо бисёр пуршиддат ва вазнин гузашт, зеро имтиёзҳо ҳам барои “Истиқлол” ва ҳам барои “Ал-Завра” ниҳоят зарур буданд. Ҳамин тавр “Истиқлол” бо ин пирӯзӣ дар ҷадвали гурӯҳи “D” ба мақоми дуюм баромад.
Дар бозии дигари даври сеюм дар гурӯҳи “D” 22-юми октябр тими “Ал-Наср”-и Арабистони Саудӣ дар меҳмонӣ бар дастаи “Гоа”-и Ҳиндустон бо ҳисоби 2:1 ғалаба кард.
Ҳарсе гол дар нимаи аввали бозӣ зада шуд. Бозигари мизбонон Ангело дар дақиқаи 10-ум ҳисобро кушод. Ду голи меҳмононро Ҳорун Камара дар дақиқаи 27-ум ва Брисон Фернандес дар дақиқаи 41-ум заданд.
Ёдовар мешавем, дастаи “Истиқлол” дар даври аввали марҳилаи гурӯҳии Лигаи қаҳрамонҳои дуюми AFC (Конфедератсияи футболи Осиё)-2025/26 дар гурӯҳи “D” дар меҳмонӣ 17-уми сентябр аз тими “Ал-Наср”-и Арабистони Саудӣ бо ҳисоби 0:5 шикаст хӯрда, дар даври дуюм 1-уми октябр дар Варзишгоҳи марказии Ҳисор бар тими “Гоа”-и Ҳиндустон бо ҳисоби 2:0 ғалаба карда буд.
Пас аз пирӯзӣ бар “Ал-Завра” барои “Истиқлол” шонси хуби аз ҷойи дуюм аз гурӯҳ баромадан пайдо шуд. Ҷойи аввалро, бешубҳа, “Ал-Наср” соҳиб мешавад, ки дар ҳамин ҳол бо 9 имтиёз пешсаф аст. “Истиқлол” бо 6 имтиёз дар ҷойи дуюм ва “Ал-Завра” бо 3 имтиёз дар ҷойи сеюм қарор доранд. “Гоа” бидуни имтиёз дар зинаи охирин мебошад.
Рақобати дастаҳо дар гурӯҳи “D” шаби чоршанбеи 22-юми октябр дар Варзишгоҳи марказии шаҳри Ҳисор бо ҳузури беш аз 6 ҳазор тамошобин доир гардид.
Оғози рақобат барои бошгоҳи “Истиқлол” каме бад шуруъ шуд, чун дар нимаи аввали дидор ҳамлагари ироқиҳо Иброҳим Гбадамосӣ дар дақиқаи чорум голи авалинро ба дарвозаи мизбонон ворид намуд. Дар идома, голи ҷавобиро нимҳимоятгари бошгоҳи “Истиқлол” Амирбек Ҷӯрабоев бо зарбаи сар дар дақиқаи 20-ум вориди дарвозаи бағдодиҳо намуд. Голи дуюми мизбононро ҳамлагар Пол Камолафе, легионери африқоӣ аз Нигерия дар охири бозӣ, дар дақиқаи 84-ум, ба самар расонд.
Рақобати дастаҳо бисёр пуршиддат ва вазнин гузашт, зеро имтиёзҳо ҳам барои “Истиқлол” ва ҳам барои “Ал-Завра” ниҳоят зарур буданд. Ҳамин тавр “Истиқлол” бо ин пирӯзӣ дар ҷадвали гурӯҳи “D” ба мақоми дуюм баромад.
Дар бозии дигари даври сеюм дар гурӯҳи “D” 22-юми октябр тими “Ал-Наср”-и Арабистони Саудӣ дар меҳмонӣ бар дастаи “Гоа”-и Ҳиндустон бо ҳисоби 2:1 ғалаба кард.
Ҳарсе гол дар нимаи аввали бозӣ зада шуд. Бозигари мизбонон Ангело дар дақиқаи 10-ум ҳисобро кушод. Ду голи меҳмононро Ҳорун Камара дар дақиқаи 27-ум ва Брисон Фернандес дар дақиқаи 41-ум заданд.
Ёдовар мешавем, дастаи “Истиқлол” дар даври аввали марҳилаи гурӯҳии Лигаи қаҳрамонҳои дуюми AFC (Конфедератсияи футболи Осиё)-2025/26 дар гурӯҳи “D” дар меҳмонӣ 17-уми сентябр аз тими “Ал-Наср”-и Арабистони Саудӣ бо ҳисоби 0:5 шикаст хӯрда, дар даври дуюм 1-уми октябр дар Варзишгоҳи марказии Ҳисор бар тими “Гоа”-и Ҳиндустон бо ҳисоби 2:0 ғалаба карда буд.
Пас аз пирӯзӣ бар “Ал-Завра” барои “Истиқлол” шонси хуби аз ҷойи дуюм аз гурӯҳ баромадан пайдо шуд. Ҷойи аввалро, бешубҳа, “Ал-Наср” соҳиб мешавад, ки дар ҳамин ҳол бо 9 имтиёз пешсаф аст. “Истиқлол” бо 6 имтиёз дар ҷойи дуюм ва “Ал-Завра” бо 3 имтиёз дар ҷойи сеюм қарор доранд. “Гоа” бидуни имтиёз дар зинаи охирин мебошад.
Хабарҳои дигар
Рӯзнома
Эзоҳи худро нависед