Дар шаҳри Душанбе нақшаи даъвати мавсими тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пеш аз муҳлат 100% иҷро гардид.

Дар ин бора сомонаи расмии шаҳрдорӣ хабар медиҳад.

Ҳамин тариқ, дар рӯзи нахустини оғози даъвати ҳарбии тирамоҳӣ ба сафи Артиши миллӣ ВМКБ, вилояти Хатлон ва ноҳияҳои минтақаи Рашт хабар дода буданд, ки нақшаи даъватро пурра иҷро карданд.

Бояд ёдовар шуд, ки дар мавсими гузаштаи даъвати наваскарон ба хизмати ҳарбӣ рӯзи 22-юми майи соли 2024 нақшаи даъват дар вилоятҳо ва тамоми шаҳру ноҳияҳои мамлакат пеш аз муҳлат ба анҷом расида буд.

Ҳоло дар вилояти Суғд ва баъзе ноҳияҳои тобеи кишвар маъракаи даъват ба сафи Қувваҳои Мусаллаҳи Ҷумҳурии Тоҷикистон бо маром идома дорад.

Ҷасури ҚИЁМИДДИН, “ҶТ”