Мақомоти иҷроияи ҳокимияти давлатии шаҳри Душанбе ният дорад, ки дар ояндаи наздик нақлиётҳои ҷаъмиятиро бо интернети ройгон ё арзон тариқи Wi-Fi пурра таъмин кунад.

Тибқи иттилоъ, бо дастуру супоришҳои раиси шаҳри Душанбе муҳтарам Рустами Эмомалӣ ҳоло дар 14 боғи истироҳативу фароғатӣ ва ҷойҳои ҷамъиятии пойтахт аз тарафи ширкатҳои мобилӣ интернети ройгон тариқи Wi-Fi насб гардидааст.

Ба зикри манбаъ, ҳоло дар нақлиёти ҷамъиятию хатсайрҳои марказии шаҳр таҷҳизотҳои Wi-Fi насб гардидаанд, ки мусофирон метавонанд аз интернети ройгони нақлиётҳо истифода баранд.

Мавриди зикр аст, ки лоиҳаи иҷтимоии Wi-Fi бо мақсади дастраси доштани мардум бо интернети арзон ё ройгон дар паркҳо, хиёбонҳо, китобхонаҳо ва инчунин нақлиётҳои мусофирбар равона шудааст.

Сафиаллоҳ ИБОДЗОДА, “ҶТ”