Донишгоҳи давлатии омӯзгории ба номи Садриддин Айнӣ аз ҷониби “London School of Digital Business” барои саҳми арзанда дар самти илм ва маориф ба “Ҷоизаи беҳтарин Донишгоҳи навовар ва пешрафтаи соли 2023 - и Муасссисаи Лондон оид ба тиҷорати рақамӣ (LRA 2023)" сазовор дониста шуд.  

Дар ин бора имрӯз Аҳлиддин Ибодуллозода, ректори донишгоҳи мазкур зимни нишасти хабарӣ бо рӯзноманигорон баён дошт.

Ба гуфтаи ректор Донишгоҳ инчунин дар рейтинги муассисаҳои олии касбии Ҷумҳурии Тоҷикистон дар феҳристи Вазорати маорифи Ҷумҳурии Мардумии Чин ҷойи аввалро ишғол намуд.

- Ин арзёбӣ аз ҷониби Вазорати маорифи Ҷумҳурии Мардумии Чин дар робита ба таваҷҷуҳи довталабони чинӣ ба донишгоҳ ба инобат гирифта шудааст, - зикр кард номбурда.    

Ҳамзамон, ректори Донишгоҳи омӯзгорӣ зикр намуд, ки дар давраи ҳисоботӣ бори нахуст Донишгоҳ аз ҷониби Ассотсиятсияи таҳсилоти олии Чини Созмони ҳамкории Шанхай ва маркази хизматрасонии Чин оид ба табодули байналмилалии илмии назди Вазорати маорифи Ҷумҳурии Мардумии Чин аз аккредитатсияи байналмилалии институтсионалӣ ( Institutional accreditation) гузаронида шуд.

Фарзонаи УМАРАЛӢ, "ҶТ"