Дар ин бора имрӯз зимни нишасти матбуотӣ раиси Кумитаи меъморӣ ва сохтмонии назди Ҳукумати Ҷумҳурии Тоҷикистон Мирзозода Низом Юсуфӣ ба рӯзноманигор хабар дод.

Ба гуфтаи ӯ, Кумита барои бо сатҳи баланд бунёд гардидани бинову иншоотҳои ба муносибати ҷашни 35-солагии Истиқлоли давлатии Ҷумҳурии Тоҷикистон банақшагирифташуда, сари вақт бо ҳуҷҷатҳои лоиҳавӣ таъмин намудани муроҷиаткунандагон ва аз экспертизаи давлатӣ гузаронидани лоиҳаҳои иншоотҳо, инчунин дастгирии ташаббусҳои созандаи соҳибкорон чораҷӯӣ намуда истодааст.

- Тибқи маълумоти оморӣ ҷиҳати омодагӣ ба ҷашни 35-солагии Истиқлоли давлатии Ҷумҳурии Тоҷикистон дар ҷумҳурӣ тибқи нақшаи тасдиқшуда бунёди 29 518 иншоот ба нақша гирифта шудааст. Айни замон ба ҳолати 1 июли соли 2026, 31 377 иншоот ба истифода супорида шудааст, ки 106,3%-ро ташкил медиҳад, - мегӯяд Мирзозода Низом.

Ҳамчунин, қайд гардид, ки қарор аст 1412 иншооти дигар баъди анҷоми корҳои сохтмонӣ ба истифода дода мешавад.
- Илова бар ин дар 1412 иншооти дигар корҳои сохтмонӣ идома дошта, бо истифода додани онҳо шумораи иншоотҳо ба 32789 адад ё 111% -ро баробар мегардад, - илова намуд раиси Кумита.

Сафиаллоҳ ИБОДЗОДА, “ҶТ”