Дар тамоми минтақаҳои вилояти Хатлон барои рушди варзиши саққобозӣ (билярд) шароитҳои созгор фароҳам оварда шудаистодааст.

Дар ин бора аз Раёсати кор бо ҷавонон ва варзиши вилояти Хатлон иттилоъ доданд.

Бино ба иттилои манбаъ, чунин иқдом бо ташаббуси роҳбарияти вилоят ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон гирифта шудааст.

Иқдоми мазкур ҷиҳати таъмини оммавияти варзиш ва ҷалб намудани қишрҳои гуногуни ҷомеа ба тарзи ҳаёти солим равона гардидааст.

Гуфа мешавад, ки тибқи ҷадвалҳои тасдиқнамудаи масъулин дар шаҳру навоҳии вилояти Хатлон мунтазам мусобиқаҳои гуногуни варзишӣ гузаронида мешавад.

Дар ин раванд бо мақсади рушди варзиши саққобозӣ дар шаҳрҳои Бохтар, Кӯлоб ва ноҳияҳои Ёвон, Шамсиддин Шоҳин, Хуросон мусобиқаҳои шаҳриву ноҳиявӣ баргузор мегардад.

Фарзонаи УМАРАЛӢ, “ҶТ”