Дар пойтахти кишвар - шаҳри Душанбе рӯзҳои 1 то 3 май мусобиқаи байналмилалии ҷудо бо номи Dushanbe Grand Slam - 2026 баргузор мегардад. Ин яке аз чорабиниҳои муҳими варзишии сатҳи ҷаҳонӣ ба шумор рафта, беҳтарин варзишгарони ҷудо аз кишварҳои гуногун барои ба даст овардани ҷойҳои намоён байни ҳам рақобат мекунанд.

Дар ин мусобиқа Тоҷикистонро 38 варзишгар намояндагӣ мекунанд, ки аз онҳо 28 нафар мардон ва 10 нафар занон мебошанд. Эҳтимол меравад, ки то оғози сабқат дар ҳайати даста баъзе тағйиротҳо ворид карда шаванд.

Мусобиқа дар Қасри теннис ва маҷмааи варзиши обии шаҳри Душанбе баргузор шуда, аллакай 285 ҷудокор аз 32 давлати ҷаҳон барои иштирок номнавис шудаанд. Ин нишон медиҳад, ки чорабинӣ сатҳи баланд дошта, таваҷҷуҳи ҷомеаи байналмилалиро ба худ ҷалб кардааст.

Рустам САМИЕВ, “ҶТ”