Дар доираи нақша - чорабиниҳо бахшида ба муносибати 33-солагии Истиқлоли давлатии Ҷумҳурии Тоҷикистон бо мақсади риояи ҳолатҳои тозагӣ аз ҷониби Бахши кор бо ҷавонон ва варзиши шаҳри Бохтар аксияи иттилоотӣ ба роҳ монда шудааст.

Аксия дар терминалҳои мусофирбарӣ ҷиҳати баланд бардоштани маърифати экологии ронандагон гузаронида шуда истодааст.

Ҳадаф аз баргузории аксияи мазкур риоя намудани тозагӣ дар ҷойҳои ҷамъиятӣ ва тоза нигоҳ дошатни экологияи шаҳр ба ҳисоб меравад. Чун ба таъкиди масъулин, мушоҳида мешавад, ки дар баъзе мавридҳо ронандагону мусофирон зарфҳои обро на дар қуттиҳои партов, балки дар канори шоҳроҳ ва роҳҳои мошингузару пиёдагард ҳавола медиҳанд, ки тозагии шаҳрро коста мегардонад.

Масъулини шаҳри Бохтар аз ронандагони воситаҳои нақлиёт даъват ба амал меоранд, ки тозагиро риоя намуда, ба экологияи шаҳр аҳамияти зарурӣ диҳанд.