Дар ноҳияи Шаҳритуз бо иштироки васеи ҷавонону наврасон таҳти унвони “Ҷавонон бар зидди терроризм ва эксримизм” чорабинии таблиғотӣ баргузор гардид. 

Зимни суханронӣ гуфта шуд, ки мақсади ҳар як давлат ва роҳбарияти сиёсии он ташкилу таъмини зиндагии шоистаи шаҳрвандон, хушу хуррам ва орому осудагии халқу диёр ва ҳифзи арзишҳои он дар арсаи байналмилалӣ мебошад. Вале барои ба ин ҳадафҳои воло расидан ғайриихтиёр монеаҳои пеш меоянд, ки барои рафъи онҳо кӯшишҳои дастаҷамъонаи ҳамаи қишрҳои ҷомеа лозиманд. Дар ин росто терроризму экстремизм истисно нест.

Ҳамчунин иштирокчиёни дигар оид ба ҳадафу мақсадҳои фаъолияти ҳизбу дигар созмонҳои террористиву экстремистӣ сухан гуфта, ёдовар гардиданд, ки насли калонсол, бахусус падару модарон ва нафароне, ки ба таълиму тарбия машғуланд, бояд бо дарки баланди масъулият, назоратро аз болои наврасону ҷавонон зиёд намуда, дар пешгирӣ намудани оқибатҳои фоҷеабору нангини шомилшавии ин қишри осебпазири ҷомеа ба ҳар гуна ҳизбу ҳаракатҳои тундрав бетараф набошанд.

Дар охир аз тарафи масъулини Бахши кор бо ҷавонон ва варзиши ноҳия ба иштирокчиён варақаҳои иттилоотӣ вобаста ба оқибатҳои терроризму экстремизм тақсим карда шуд.