Дар нимсолаи аввали соли 2026 идораҳои давлатии беҳдошти замин ва обёрии шаҳру ноҳияҳо бо 62062 истифодабарандаи об барои майдони 502 866 гектар шартномаҳои додугирифти об ба имзо расонидаанд.

Дар ин бора имрӯз Давлатзода Зафарбек, директори Агентии беҳдошти замин ва обёрии назди Ҳукумати Ҷумҳурии Тоҷикистон иттилоъ дод.

Ба гуфтаи ӯ, дар ин давра ба истифодабарандагон 1 миллиарду 774,3 миллион метри мукааб об бо арзиши умумии 84,9 миллион сомонӣ хизматрасонӣ карда шудааст.

Зикр гардид, ки дар ин муддат истифодабарандагони об барои хизматрасонии обрасонӣ 33,4 миллион сомонӣ маблағ пардохт намудаанд, ки нисбат ба ҳамин давраи соли гузашта 5,5 миллион сомонӣ зиёд буда, 39 фоизи арзиши умумии оби расонидашударо ташкил медиҳад.

Ҳамчунин, таъкид шуд, ки дар мавсими обёрии соли 2026 тавассути пойгоҳҳои обкашӣ ва чоҳҳои амудӣ дар шаҳру ноҳияҳои ҷумҳурӣ бо истифодаи то 7,1 миллион киловатт-соат неруи барқ дар як шабонарӯз то 360 дастгоҳи обкашӣ ва 62 чоҳи амудӣ фаъолият намуда, кишоварзон бо оби полезӣ таъмин карда мешаванд.

М. МУҚАДАМОВА, “ҶТ”