Дар Ҷумҳурии Тоҷикистон дар самти қонунвайронкунии замин 1011 парвандаи ҷиноятӣ боз гардидааст, ки аз ин шумора 181-тояш нисбати мансабдорон сурат гирифтааст.

Дар ин бора 14 феврал Ҳабибулло Воҳидзода, Прокурори генералии Ҷумҳурии Тоҷикистон зимни нишасти матбуотӣ иттилоъ дод.
Ба гуфтаи ӯ, инчунин, дар ин самт 4315 амру пешниҳод, 2185 эътироз оварда шуда, 154,5 га қитъаи звмин ба ҳолати аввала баргардонида шуд. Инчунин, 7190 нафар ба ҷавобгарӣ кашида шудаанд.

Ҳамзамон зикр гардид, ки давоми соли 2024 аз ҷониби мақомоти прокуратура 6973 санҷиш гузаронида шуда, 4172 парвандаи ҷиноятӣ (аз ин 1302 коррупсионӣ) оғоз шуда, 62 945 нафар ба ҷавобгарии интизомӣ, моддӣ ва маъмурӣ кашида шуда, ҳуқуқу манфиатҳои 261 ҳазору 22 нафар барқарор гардид.

Қайд гардид, ки аз он ба маблағи 1 млрд 327 млн сомонӣ маблағи зарар ба манфиати давлат рӯёнида шудааст.

Фарзонаи УМАРАЛӢ, “ҶТ”