Соли 2024 58 нафар аз ҳисоби хатмкунандагони Академияи идоракунии давлатии назди Президенти Ҷумҳурии Тоҷикистон барои адо намудани уҳдадории ҳарбӣ ба сафи Қувваҳои Мусалаҳи Ҷумҳурии Тоҷикистон сафарбар карда шуданд, ки пас аз адои хизмати Ватан-модар ба зинаи магистратураи Академия ройгон ҷалб карда мешаванд.

Дар ин бора Сафарзода Даврон, ректори Академияи идоракунии давлатии назди Президенти Ҷумҳурии Тоҷикистон зимни нишасти матбуотӣ хабар дод.

Ҳамчунин, таъкид карда шуд, ки барои ҳамкориҳо бо хориҷи кишвар дар соли 2024 41 чорабинии сатҳи байналмилалӣ ташкил ва баргузор гардид, ки дар онҳо байни Академия ва дигар муассисаҳои таҳсилоти олии хориҷӣ ва созмонҳои байналмилалӣ 7 созишномаи ҳамкорӣ ба имзо расид. Ва барои табодули донишҷӯёни Академия ба муассисаҳои таҳсилоти олии хориҷи кишвар дар соли 2024 31 нафар фиристонида шуданд.

- Академия дар доираи барномаи муштараки магистрон 1+1 бо Донишгоҳи Авруосиёгии ба номи Л.Н. Гумилёв, шаҳри Остона, Ҷумҳурии Қазоқистон ҳамкориро ба роҳ мондааст. Дар доираи ин барнома 5 нафар аз рӯи ихтисоси ҳуқуқи байналмилалӣ моҳи июни соли ҷорӣ магистратураи муштаракро хатм намуда, инчунин 5 нафар магистранти дигар барон таҳсил дар курси 1 аз рӯйи барномаи мазкур ба Донишгоҳи Авруосиёгии ба номн Л.Н. Гумилёв сафарбар карда шуданд, - илова намуд, Сафарзода Даврон.

Наҷиба МУРОДБЕКОВА, “ҶТ”