Абдуҷаъфари Баҳодур, варзишгар навраси тоҷик 12-умин нишони Бозиҳои осиёиро ба даст овард. Ӯ дар ин мусобиқа сазовори медали биринҷӣ аз намуди таеквондо гардид.

Варзишгарони навраси тоҷик аз оғози рақобатҳо дар Бозиҳои осиёӣ миёни наврасон соҳиби 12 медал 2 тилло, 1 нуқра ва 9 биринҷӣ гардиданд.

Нишонҳои тиллоро Халилов Фазлиддин (55 кг) ва Умарҷони Умед (70 кг) аз рӯи намуди санъати муҳорибаҳои омехта (ММА) ба даст оварданд.

Ягона нишони нуқраро Ҷонибек Нигматов (+73 кг) аз намуди таеквондо дар сеюмин Бозиҳои Осиёӣ миёни наврасон дар Баҳрайн аз они худ кард.

7 медали биринҷиро бошад аз намуди муҳорибаҳои омехта, Меҳрона Қаландарбекова (55 кг), Марҳабо Бобоева (60 кг), Умар Шарифов (50 кг), Муҳаммад Саидзода (60 кг), Осимӣ Бегмуродзода (60 кг), Абубакр Баҳромов (75 кг) ва Мусо Иброҳимзода (80 кг) соҳиб шуданд.

Аз варзишҳои қаблан оғозгардида варзишгарони тоҷик дар намуди кураш аввалин медал ба даст оварданд, ки ба Абубакр Тураев дар вазни 65 кг тааллуқ дорад. Тураев дар ин вазн бо баромади шоиста сазовори медали биринҷӣ гашт.

Бояд гуфт, ки 3-юм Бозиҳои осиёии наврасон дар Баҳрайн рӯзи 22 октяб расман оғоз гардид ва қарор аст то 31-уми октябр идома ёбад. Ба барномаи Бозиҳо 26 намуди варзиш шомил аст ва аз рӯйи онҳо 256 мусобиқа баргузор мешавад.

Бояд гуфт, ки дар 3-юм Бозиҳои осиёии наврасон Тоҷикистонро 65 варзишгар аз рӯйи 12 намуди варзиш: варзиши сабук, шиноварӣ, бокс, бадминтон, ҷудо, гӯштии тарзи озод ва юнонӣ-римӣ, кураш, варзиши электронӣ, ҷиу-ҷитсу, муай, таеквондо ва ММА намояндагӣ мекунанд. Дар асоси барномаи Бозиҳо баъзе мусобиқаҳо ба мисли ҳендбол, пенсак-силат, каббода ва кураш 19-уми октябр оғоз гардида буданд.

Яҳё МАҲМАДНАБИЕВ, “ҶТ”