Ҳафтаи гузашта дар шаҳри Тирмизи Узбекистон вохӯрии гурӯҳҳои кории ҳайатҳои ҳукуматии Тоҷикистон ва Узбекистон оид ба демаркатсияи сарҳади давлатӣ доир гардидааст.

Бино ба иттилои Вазорати корҳои хориҷии кишвар ин вориҳо аз 22 август оғоз гардида, то 28 августи идома пайдо кардааст.

Гуфта мешавад, ки дар рафти вохӯрӣ корҳои муштарак оид ба мувофиқаи гузариши хатти лоиҳавии демаркатсионии сарҳади давлатии Тоҷикистону Узбекистон идома ёфта, он дар фазои созанда, дӯстӣ ва ҳамдигарфаҳмӣ доир гардид.

Зикр гардид, ки аз натиҷаи чорабинӣ Протоколи дахлдор ба имзо расида шуда, вохӯрии навбатӣ дар ҳудуди Ҷумҳурии Тоҷикистон баргузор хоҳад гашт.

Мавриди зикр аст, ки сарҳади давлатии байни Тоҷикистон ва Узбекистон 1332,9 км дарозӣ дорад. Аз он сарҳади дарёӣ 105 км ва хушкӣ 1227,98 км мебошад.

Тибқи Созишномаи байниҳукуматии Тоҷикистон ва Узбекистон аз соли 2002, дар Сарҳади давлатии Тоҷикистону Узбекистон 16 гузаргоҳи сарҳадӣ мавҷуданд.

Фарзонаи УМАРАЛӢ, “ҶТ”